“Cihêliyên Cîhanê” ji bo Kurmancî hat wergerkirin
Zanîngeha Rojava pirtûka nivîskarê bi nav û deng Frantz Fanon a bi navê “Les Damnés de la Terre (Cihêliyên Cîhanê)” bi zaravayê Kurmancî çap kir.
Pirtûk ji aliyê Enstîtuya Zanistên Civakî ya Zanîngeha Rojava ve ji bo zaravayê Kurmancî yê Kurdî hatiye amadekirin. Îbrahîm Seydo Aydogan, Yaqob Tilermenî û Remezan Pertew pirtûk ji zimanê Fransî ji bo Kurmancî werger kiriye.
Pirtûk ji aliyê weşanên Zanîngeha Rojava ve di Tîrmeha 2023`an de, li çapxaneya Beyan a li bajarê Qamişlo hatiye derxistin. Pirtûk li Zanîngeha Kobanê, Zanîngeha Rojava û Zanîngeha El Şerq hatine şandin.
“Cihêliyên cîhanê” ji aliyê nivîskarê nav û deng ê Fransî Frantz Fanon ve di sala 1961`an hatiye amadekirin. Di pirtûkê de bandorên piskolojîk ku mêtingerî li ser gelên mêtingeh avakiriye bi awayeke berfireh tê analîzkirin. Pirtûka ku berhema herî bi nav û deng a nivîskar e, wekî manîfestoya têkoşîna dijî mêtingerî û azadiya cîhana sêyemîn tê zanîn. Bi vî rengî pirtûk bûye çavkaniya tevgerên azadiya netewî yên li Efrîqa û rêxistina `pilingên reşa ya li DYA`yê`.
Ev dibe pirtûka yekemîn ku ji aliyê Enstîtuya Zanistên Civakî ve hatiye wergerkirin û çapkirin. Beşê Enstîtuya Zanistên Civakî li Zanîngeha Rojava di 2020`an de hat vekirin, wekî beşek Zanîngeha Rojava xebatên lêkolîn û wergerên akademîk û zanistî dike.
Li gorî agahiyên ku yek ji berpirsên Enstîtuya Zanistên Civakî Serdar Saedî dane me li ensîtuyê wergera 5 pirtûkên din û 60 gotarên akademîk hatiye kirin.
(a)
ANHA
