Li Tirbespiyê êrişên dagirkeriyê hatin şermezarkirin

Însiyatîfa Gel a bajarê Tirbespiyê ji bo şermezarkirina êrişên dewleta Tirk a dagirker ên li ser Herêmên Parastinê yên Medyayê û xiyaneta PDK `ê meşeke girseyî li dar xist.

Meş ji ber Meclisa Bajarê Tirbespiyê dest pê kir û heya Çerxerya Azadî dom kir.

Di meşê de pankartên bi zimanê Kurdî û erebî  “Ji bo berxwedaniya gerîla xeta welatparêzî biparêzin îxanet û dagirkeriyê têk bibin”, "Na ji dagirkeriye re", "bimire xiyaneta PDKˊê", "bijî berxwedana gerîla", û wêneyên şehîdan, wêneyên Rêber Abdullah Ocalan hatin hildan.

Piştî şênî gihaştin Çerxerya azadî li vir li ser navê Însiyatîfa Gel a bajarê Tirbespiyê Xaliya Eyûb axivî.

Xaliya berxwedana ku gerîlayên azadiyê li çiyayê Kurdistanê didin meşandin silav kir û got: "Em hemû li pişta gerîlayên xwe ne."

Xaliya Eyûb bal kişand ser îxaneta PDK` ê û ev li gotinên xwe zêde kir: “Em bi navê we hemûyan bang li mala Barzanî dikin ku nebin hevkarê dijminên Kurdan. Em îxaneta we şermezar dikin. “

Di dawiyê de Xaliya Eyûb wiha got: "Em ê heya dawî li pey gerîlayên xwe bin. Gerîla li çeperên berxwedanê li dijî êrişên dewleta Tirk a dagirker berxwedaneke mezin dimeşînin."

(ex/fr)

ANHA