Ji malbatên du cangoriyan re sersaxî xwestin

Meclisa Malbatên Şehîdan a Kobanê ji bo şervanên QSD`ê Tofan Bilik (Elî Şahîn) û Şêx El Cebel (Mistafa Erbûş) ên ku 26`ê  Tîrmeha îsal (2025) li bajaroka Çelebiyê ya rojhilatê Kobanê bi qezayeke trafîkê şehîd bûne, konên sersaxiyê hat vedan û merasîm hatin lidarxistin.

Konê sersaxiyê yê şehîd Tofan Bilik li gundê Bilik li pêşiya mala wî û konê sersaxiyê ya şehîd Şêx El Cebel jî li gundê Mezrê Ebrûşan hatin vedan. Şêniyên kantona Firatê herikîn bin kon û sersaxî ji malbatên şehîdan re xwestin.

Di bin konê sersaxiyê yê şehîd Tofan Bilik de piştî deqeya rêzgirtin, ji rêveberên Meclisa Têkiliyan a bajarê Sirînê Enter Hisên axivî. Enter Hisên di axaftina xwe de sersaxî ji malbata şehîd re xwest û got"Bila serê malbata şehîd sax be. Şehîdan ji bo azadiya gelê xwe canê xwe feda kir. Em dê rêya ku ji me re hiştine berdewam bikin."

Li konê sersaxiyê yê şehîd Şêx El Cebel jî endama Meclisa Malbatên Şehîdan ya bajarê Kobanê Necime Kino axivî. Necime bal kişand sr têkoşîna şehîd Şêx El Cebel û wiha got:" Şehîd El Cebel têkoşînek bêhempa dikir, li her cihî li ber xwe dida. Di berxwadan Bendava Tişrînê û Pira Qeraqozaqê de jî têkoşîn dikir. Em jî wek dayîk em ê her tim li pişta zarokên xwe bin. Em soza didin em ê rêya wan bişopînin xewn û xeyalên şehîdên xwe bi cih bînin."

Merasîmên sersaxiyê bi dirûşmên " Şehîd Namirin" bi dawî bûn.

(mm/bb)

ANHA