Ji bo bîranîna Umer Elûş, şaredariya Reqayê pêşangeheke kulîlkan vekir

Îro salvegera 3’yemîn a şehadeta têkoşer û ji yek damezrînerê Meclisa Sivîl a Reqayê Umer Elûş e û ji bo wê Şaredariya Gel a Reqayê bi boneya salvegera şehadetê pêşangeheke kulîlkan vekir.

Di vekirina pêşangehê de hevserokatiya Şaredariya Gel a Reqayê Ehmed Îbrahîm, Fehîme Casim û cîgirên wan, endamên Meclisa Sivîl a Reqayê û bi dehan şêniyên bajêr amade bûn.

Vekirina pêşangehê bi deqeyeke rêzgirtinê dest pê kir, piştre endama rêveber a Nivîsgeha Jinan a Şaredariya Gel a Reqayê Ewatif Îsa bixêrhatina beşdaran kir û pêşangeh li wan pîroz kir û diyarî şehîdan kir.

Dûvre hevserokê Şaredariya Gel a Reqayê Ehmed Îbrahîm wiha got: "Divêyabî ku me peyamek di vê rojê de ji tevahî dewletên cîhanê re bişanda, ew jî roja 15’ê Adarê ye û dîroka ku tê de buyer û azar li ser gelê Sûriyê re derbas bûne."

Îbrahîm wiha domand: "Em di bin sîwana Rêveberiya Xweser a Bakur û Rojhilatê Sûriyê de di xebatên xwe de berdewam in ku ev dîrok bibe destpêka aştiyê û beşdariya li rêveberî û rêvebirina Sûriyê ber bi pêşeroj, ewlehî û aştiyê ve. Ev dîrok, dîroka kulîlkan e û dê bibe kilîtê yekemîn ji Sûriyê re ya ber bi demokrasiyê ve û dê bibe deriyê berdewamê yê ber bi metoda demokrasiyê ve."

Piştre hevserokê Şaredariya Gel a Reqayê Ehmed Îbrahîm deriyê pêşangehê vekir û bi wê re ev pêşangeha sêyemîn e ku ji destpêka rizgarkirina bajêr ve Şaredariya Gel a Reqayê vedike.

Her wiha beşdar li nava pêşangehê gerîn û dûvre koma hunerên gelêrê çand û hunera Reqayê digel dîlana ji hêla gel de vejand.

(fr)

ANHA