Li kantona Firatê amadekariyên serjimariyê

Nivîsgeha Plankirin û Serjimariyê ya kantona Firatê amadekariya serjimariyeke berfireh li kantonê dike.

CIVAK Û JIYAN

18 tebax, 2025 15:48

KOBANÊ

Nivîsgeha Plankirin û Serjimariyê ya kantona Firatê, li ser bingeha amadekariyên pêkanîna serjimariyê de, îro li bajarê Eyn Îsayê civînek giştî li dar xist.

Civîna li hola civînan a Meclisa Bajarê Eyn Îsayê hat lidarxistin. Hevserokên komînan û tîmên ku ji hêla meclisê ve ji bo serjimêriyê hatine destnîşankirin tev li civînê bûn.

Hevserokê Nivîsgeha Plankirin û Serjimariyê ya kantona Firatê, Mesûd Bozî, di civînê de awayên dagirtina kaxizan û xistina agahiyên tên xwestin, bi zelalî şîrove kirin.

Bozî diyar kir ku serjimarî dê di 30`ê Tebaxê de tenê ji bo rojekê dest pê bike.

Piştre, kesên ji bo serjimariyê hatine erkdarkirin sond xwar ku xebatên xwe bi awayekî zelal û durist pêk bînin.

Hevserokê Nivîsgeha Plankirin û Serjimariyê ya kantona Firatê Masûd Bozî ji ajansa me re da zanîn ku armanca serjimêriyê ew e ku der barê hemû bajar û bajarokên kantonê de agahiyên têker peyda bikin da ku li gorî wan agahiyan planên siberojê werin danîn.

(k)