Li Bakur û Rojhilatê Sûriyeyê û Lubnanê êrişên dijî Şêxmeqsûdê û Eşrefiyê hatin şermezarkirin

Li bajarên Qamişlo, Tirbespiyê, Til Koçer, Til Hemîs ,Hol, Reqa, Tebqa, Kobanê yên Herêma Bakur û Rojhilatê Sûriyeyê û Lubnanê têkildarî êrişên hikumeta veguhêz a Sûriyeyê li dijî taxên Şêxmeqsûd û Eşrefiyê yên Helebê daxuyanî hatin dayîn. Tevgerên gel û jinan, partiyên siyasî, Gaziyên Şer û saziyên li herêmê û kurdistaniyên li Lubnanê daxuyanî dan.

Di daxuyaniyan de hate gotin ku hêzên hikumeta veguhêz ambargoyek giran li ser taxên Şêxmeqsûd û Eşrefiyê ferz kiriye û duh jî (6 Cotmeh 2025) tevahî rêyên têketin û derketinên ji her du taxan girtibûn. Li hember van binpêkirinan gelê Şêxmeqsûdê û Eşrefiyê ji bo vekirina rêyan çalakî li dar xistibûn. Lê hêzên hikumeta veguhêz li dijî gel gaza îsot û gule bi kar anîn. Di encamê de ji ber gaza îsotê hejmarek welatî bandor bûn.

Di daxuyaniyan de hate diyarkirin ku ev kiryar û rageşiya duh çêbûye binpêkirina peymana 10’ê Adarê ya di navbera QSDˊê û hikumeta veguhêz de û peymana 1’ê Nîsanê ya di navbera Meclisa Giştî ya Taxên Şêxmeqsûd-Eşrefiyê û nûnerên hikumeta veguhêz de li Helebê, hatibû îmzekirin e. Di daxuyaniyan de bang civaka navneteweyî û rêxistinên mafên mirovan hat kirin ku tev bigerin, van êrişan bi dawî bikin, bêyî şert û mercan ambargoya ser her du taxan şermezar bikin. Ji ber ambargoyê zêdetirî 300 hezar sivîlên li her du taxan rûbirûyî rewşên trajedî ne.

Tevger, partiyên siyasî, Gaziyên Şer ên Herêma Bakur û Rojhilatê Sûriyeyê, kurdistaniyên li Lubnanê di dawiya daxuyaniyê de ji hêzên navneteweyî zextê li hikumeta veguhêz bike da ku siyaseta xwe ya bi "şertgiriya" dewleta Tirk rawestîne, ji ber ku ev siyaset li dijî pirrengiya çandî, mezhebî û olî yên li Sûriyeyê xeteriyek e û divê pêkhateyên Sûriyeyê li hember van siyasetan werin parastin.

(fr)

ANHA

AMUDE

Şêniyên Efrîn û Şehbayê

REQA

TIL HEMIS

KOBANE

HOL

Tirbespiyê

QAMISLO

HESEKE

REQA

TEBQA

Til Koçer