Li Şedadê pêşangeha kelepora hate vekirin

Komîteya Çand û Hunerê ya Meclisa Navçeya Şedadê pêşangehek alavên kevnare vekir.

NÛÇE

28 kanûn, 2020 14:58

HESEKÊ

Bi armanca parastina kelepora ereban, Komîteya Çand û Hunerê ya Şedadê pêşngehek vekir. Di pêşangehê de alavên kevnare yên ji çaw hatiye çêkirin, rebabe û madeyên çêkirina wê, gelek şêweyên aywanên mêvandariyê ya ereban û madeyên metbexê hatin pêşandan.

Endamê Meclisa Navçeya Şedadê Mihemed El-Hîcab armanca vekirina vê pêşangehê diyar kir û got: "Me dît ku çanda ku bapîr û dapîrên me ber bi wendabûnê ve diçe. Ji bo vê yekê me ev pêşangeh vekir da ku çanda û kelepora xwe biparêzin."

Endama Komîteya Çand û Hunerê ya Meclisa Navçeyê Sefaa El-Ezîz nêrîna xwe der barê vekirina pêşangehê de anî ziman û wiha got:"Her tim komîteya Çand û Huner parastina kelepora herêmê dike û pêşangehên bi vî rengî vedike."

Sefaa El-Ezîz got: "Wekî nifşên nû divê em alavên malan ên kevnare biparêzin ku çanda pîşeyên me ne. Ev jî serkeftina Komîteya Çand û Hunerê ye."

Çalakî bi stran û govendên erebî yên gelêrî bi dawî bû.

(eh)

ANHA