Şêniyên Zirganê şewata li Îmraliyê şermezar kir

Bertekên li dijî tecrîda li ser rêber Abdullah Ocalan berdewam in, nexasim piştî bûyera şewata li girava Îmraliyê ku Ocalan tê de dîlgirtî ye. Li bajar û herêmên Bakur û Rojhilatê Sûriyê gel daket qadan û banga eşkerekirina rewşa Ocalan kir.

Di vê derbarê de ajansa me hevdîtin bi çend şêniyên ku beşdarî konê çalakiyê bûne yê li bajarê Hesekê, çêkir.

Fethî Suleyman wiha axivî: "Bi şewata li girava Îmraliyê re xwestin vîna gelê Kurd bişikînin, lê ew nikarin îradeya me tune bikin. Em wek şêniyên kantona Hesekê û navçeyên wê dê çalakiyên xwe berdewam bikin û rastiya sûcdariya desthilata Osmanî û binpêkirinên li dijî rêber Ocalan derxin holê."

Husên Husên jî nêrînên xwe anî ziman û wiha got: "Em wek şêniyên Bakur û Rojhilatê Sûriyê, bi Kurd, Ereb û Suryaniyên xwe ve şewata plankirî ya dewleta Tirk şermezar dikin."

Husên bang li rêxistinên mirovî û navdewletî kir ku zextê li ser dewleta Tirk bikin da ku çarenûsa rêber Ocalan diyar bikin.

Paşê Selma Ehmed axivî û wiha da zanîn: "Armanca dewleta Tirk ew e ku hêviyên gel tune bike û fikr û felsefeya rêber Ocalan têk bibe, lê pêkhateyên Bakur û Rojhilatê Sûriyê dê têkoşîna xwe berdewam bikin, li ser bingeha fikrên Rêbertî bijîn û belav bikin."

Selma wiha bi dawî kir: "Em ê heta eşkerekirina rewşa Rêbertî çalakiyên xwe berdewam bikin."

 (eh)

ANHA

<iframe width="560" height="315" src="https://www.youtube.com/embed/iqEw_3ieYrk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>