Sûka gelêrî bûye çavkaniya debarê ya şêniyên Mergedayê

TELAL HISÊN / HESEKÊ

Bajarokê Mergeda di 5`ê Mijdara 2017`an ji aliyê QSD`ê ve hate rizgarkirin. Piştî rizgarkirinê Rêveberiya Xweseriya Demokratîk di hemû aliyan de xizmeta bajarok kir. Li bajarok dibistan, navendên tenduristiyê, Şaredariya Gel û hin saziyên sivîl hatin vekirin.

Piştî paqijkirina bajarok ji bermahiyên çeteyên DAIŞ`ê û rûniştina ewlehî û îstîqrarê, bi hezaran şêniyên bajarok vegeriyan malên xwe û ji nû ve dest bi avakirina jiyanê kir.

Di bajarok de sûkeke gelêrî heye, ev cihê sereke yê şêniyên bajarok e ku pêdiviyên xwe yên rojane lê peyda dikin. Di sûkê de hemû pêdiviyên şêniyan ji amûrên malê û hemû cureyên sebze û fêkiyan hene, her wiha sûka kirîn û firotina pez û cilan e.

Şêniyê bi navê Ehmed El-Xidir ji bajarokê Mergeda destnîşan kir ku di sûkê de hemû pêdiviyên wan peyda dibin û çavkaniya sereke ya jiyana wan e û wiha got: "Di sûkê de cudahiya xizan û dewlemendan nayê dîtin, di sûkê de her tişt heye û xwediyên wê ji gundên derdora bajarokê Mergeda ne."

Şêniyê bi navê Hisên El-Ehmed ji gundê El-Deşîşe yê bajarokê Mergeda da zanîn ku sûk bûye jêdera qûta şêniyên bajarok.

El-Ehmed da xuyakirin ku nirxê pêdiviyan ji hev cuda ne û Komîteya Zimhêrê ji Şaredariya Gel xwest çavdêriya buhayan li sûkê bikin.

ANHA