Gerînendetiya Çandiniyê xebatên sererastkirina pompên avê didomîne

UDEYÎ EL-EHMED / TEBQA

Beriya derxistina DAIŞ`ê ji herêmê ji aliyê şervanên QSD`ê ve beriya sal û nîvekê, çeteyan stasyona pompa avê ya El-Widyan talan kir. Di encamê de stasyon ji xizmetê derket û bandoreke neyînî li cotkaran kir û çandinî di sala borî de rawestî. Stasyon bi 20 km dikeve rojhilatê bajarê Tebqayê.

Li gorî hevserokê Gerînendetiya Çandiniyê ya Tebqayê Xalid El-Esker, werşeyên fenî yên girêdayî gerînendeyê beriya du mehan ve û bi hevkariya yek ji rêxistinên ku li herêmê dixebitin dest bi xebatên sererastkirinê kirine. Ev xebat piştî ku tîmên endezî mayinên ku çeteyan li stasyonê û derdora wê çandibûn paqij kirin, pêk hat.

Stasyona El-Widyan ji 12 pompan pêk tê. Her wiha ava avdanê ji bo nêzî hezar û 650 hektar zevî li gundên Himarîn, Biyûd, El-Fetîh û El-Widyan peyda dike.

Stasyon bi mekanîzmayeke koordînekirî dixebite. Avê ji qenayek şaxî ji kanala El-Yemamê ya sereke li rojhilatê Tebqayê dikişîne. Firehiya kanalê 12 metre û ya sereke 20 metre ye.

Li herêma Tebqayê 4 stasyon hene; stasyona El-Siwêdiyê ku hezar û 52 hektar erd av dide, El-Widyan û her du stasyonên El-Cirniyê yên derveyî xizmetê.

(şx)

ANHA