ˋErkê nûnertiya NATO’yê ya li Iraqê şêwirmendî ye, ne şerkirin eˊ

Ofîsa Ragihandinê ya Şêwirmendiya Ewlekariya Neteweyî ya Iraqê ragihand ku Qasim Eracî li Bexdayê bi Serokê Lijneya Leşkerî ya NATO’yê Jose Dragon û şandeya li gel re civiya.

Hate diyarkirin ku her du aliyan li ser rêbazên pêşxistina têkiliyên di navbera Iraq û NATO’yê de, bi taybetî di warên perwerde, danûstandina pisporî û şêwirmendiyê de, nîqaş kirin.

Di heman daxuyaniyê de hate ragihandin ku Qasim Erecî di civînê de diyarkiriye ku ‘erka nûnertiya NATO’yê ya li Iraqê şêwirmendî ye, ne şerkirine’.

Hate destnîşankirin ku Erecî di civînê de da diyarkirin ku serdana berê ya serokwezîrê Iraqê ji bo Brukselê pabendbûna Iraqê ji bo xurtkirina têkiliyên bi welatên NATO’yê re bi awayekî ku xizmeta berjewendiyên hevpar bike nîşan daye.

Qasim Erecî tekezî kiriye ku fikarên Iraqê li ser hilweşandina kampa Hola ji ber gefên li ser ewlehiya neteweyî, herêmî û navneteweyî hene, Iraq ji bo veguhestina welatiyê xwe yê dawî ji kampê, dixebite.

Erecî got: “Iraq di vejandin û ji nû ve tevilkirina malbatên ku vedigerin civakê de serkeftî bûye. Ev di serî de mijarek mirovî ye. Teror aştiya civakî û navneteweyî tehdît dike. Teror bi dem û cihekî diyarkirî ve sînordar nîne. Ev yek jî pêwîstî bi civaka navneteweyî heye ku ji bo zuwakirina çavkaniyên terorê yên medyayî, darayî û mirovî, xebat bê kirin.”

Di daxuyaniyê de hate ragihandin ku Serokê Lijneya Leşkerî ya NATO’yê Jose Dragon jî serkeftina hilbijartinên parlementoya Iraqê pîroz kir û tekez kir ku NATO bi rêya danûstandina pisporî, perwerde û dayîna şîretan dixebite ku têkiliyên xwe bi Iraqê re xurt bike. Jose Dragon hewlên Iraqê yên ji bo veguhestina malbatan ji Kampa Holê, ji nû ve avakirina wan û tevilkirina wan di civakê de pesnê Iraqê da û nîşan da ku civaka navneteweyî ji bo welatiyên xwe ji kampê vekişîne tê teşwîqkirin.