Yekitiya Bijîşkên Rojava beşdarî Konfernasa Komeleya Tibî ya Cîhanî bû

Nûnerê Yekitiya Bijîşkên Rojava beşdarî Konferansa Komeleya Tibî ya Cîhanî (WMA) bû, ji bo bijîşkên li Bakur û Rojhilatê Sûriyeyê gaveke nû ye.

ROJANE

8 cotmeh, 2025 18:50

QAMIŞLO

Yekitiya Bijşîkên Rojava îro (8 Cotmeh 2025) beşdarî Konferansa Komeleya Tibî ya Cîhanî (World Medical Association -WMA) ku îro li bajarê Borto ya Portekîzê (Portugal) ya Ewropayê dest pê kiriye bû.

Yekemîn car e, Berpirsê Têkiliyên Giştî yên Yekitiyên Tibî wekî Nûnerê Yekitiya Bijîşkên a Rojava Diyar Reşo beşdarî konfersê bûye. Ji zêdetirî 100 dewletan nûner beşdarî konferansê bûne.

Ev beşdarbûn ji bo ku Yekitiya Bijîşkên Rojava dengê bijîşkên li Bakur û Rojhilatê Sûriyeyê bigihîne aliyên navneteweyî gaveke girîng e.

Konferans îro dest pê kir, dê heta 11`ê Cotmehê bidome.

Komeleya Tibî ya Cîhanê (WMA) rêxistineke navneteweyî ye sala 1947`an hatiye damezrandin, ji 110 dewletan zêdetirî 10 mîlyon bijîşk cihê xwe tê de digirin. Ew bi armanca pêşxistina pîşeya tibî, parastina mafê bijîşk û nexweşan, her wiha piştgiriya navneteweyî ji bo qada tenduristiyê hatiye avakirin.

(sb/fr)

ANHA