Şêniyên Hesekê li benda çareseriyê ne

Xelkê Hesekê got bazirganan buhayên ke û pelan gelekî zêde kirine û ji aliyên têkildar xwest pirsgirêkê çareser bikin.

CIVAK Û JIYAN

20 sibat, 2026 04:55

HESEKÊ

BILIND HECÎ

Li bajarê Hesekê gel ji ber bihabûna kel û pelan bêzar bûye û xwest ev pirsgirêk were çareserkirin.

Raxib Xidir bazirganên li bajarê Hesekê rexne kirin û wiha got: “Bazirgan dixwazin sûdê ji meha Remezanê wergirin û li bazarê bihabûn zêde ye. Êdî rewşa şêniyan a madî têrê nake ku bikarin tiştekî bikirin.”

Xalid Mihemed ji bo çareserkirina pirsgirêkê got: “Tevgera li bazarê ne aram e. Gelek bazirgan di meha Remezanê de bi buhayên madeyan dilîzin. Em hêvî dikin ku komîteyên çavdêriyê vê mijarê bişopînin û çareser bikin.”

Fadiya Yûnis jî wiha got: “Rewşa min gelekî zehmet bûye, ez sêwiyan xwedî dikim. Madeyên sereke yên xwarinê gelekî biha bûne û barê min giran bûye.”

Hesen Mistefa jî got: “Kel û pel ji nişkê va biha bûn. Kîloya şekir 7 hezar lîre bû, piştî Remezanê dest pê kir gihaştiye 9 hezar lîreyî. Wê pirsgirêkên me yên aborî zêde bibin û em bi hêvî ne ku di demeke kurt de ev pirsgirêk were çareserkirin.”

ANHA