Rêxistinên Kurdistanî û Ewropî alîkariyên mirovî li koçberan belav dikin

Rêxistin û saziyên xêrxwaziyê yên ji Başûrê Kurdistanê, rêxistinên Ewropî û xelkê Rojava yên li derve dimînin bi destpêşxerêyên kesayet û hevkariya Heyva Sor a Kurd û rêxistinên din alîkariyên mirovî li koçberên Helebê, Efrîn, Tebqa û Reqa yên piştî êrişan berê xwe dane kantona Cizîrê, belav kirin.

Alîkariyên wek xurek, derman, betanî, pêdiviyên bingehîn, pêwîstiyên zarokan nemaze jî şîr hatin belavkirin.

Ji saziyên û rêxistinên alîkarî pêşkêş kirine ev in:

Dezgeha Xêrxwaziyê ya Barzanî, Yekitiya Bijîşkên Kurd li Almanya, Bloka Pozîsyona Kurdistanê, Rêxistina Hana ya Xêrxwaziyê û Heyva Sor a Qamişloyê. 

3 klînîkên tibî yên gerok jî hatin diyarkirin; yek li bajarê Dêrikê û gundewarê wê, 2 jî li bajarê Qamişloyê û gundewarê wê.

Reqemên peywendiyê ji bo demên awarte hatin diyarkirin:

Heyva Sor a Kurd (1): +963 996 877 447

Heyva Sor a Kurd (2): +963 932 125 933

Li gorî organîzetorên vê xebata mirovî, hîn rêxistin û saziyên dîtir peywendiyê ji bo gihandina alîkariyên dîtir ji bo koçberan dikin.

Girêdayî mijarê, Dezgeha Xêrxwaziyê ya Barzanî bi hevkariya Heyva Sor a Kurd du roj e alîkariyên mirovî li malbatên koçberên li mal, dibistan û navendên bicihbûnê yên li Tirbespiyê dimînin, belav dikin. Hejmara malbatên koçber ên li bajêr 280 malbat e.

Di vê çarçoveyê de, dezgehê nêzî 6 hezar lître mazotê sobeyan li tevahî malbatên li dibistanên Mecdel El Şems, Feysel, Fayiz Mensûr, dibistana Sîna belav kir. Li kêleka wê jî betanî û cilan, paketên xurekê, qutî wek masot û xwarinê tên belavkirin.

Klînîka gerok jî tevî xebata belavkirina alîkariyan li navendên bicihbûna koçberan geriya, rewşa koçberan kontrol kir, derman pêşkêş kir.

(fr)

ANHA

TIRBESPIYÊ

QAMIŞLO