Rêveberiya Xweser pereyên kirîna genim li cotkaran belav kir

Rêveberiya Xweser a Demokratîk a Bakur û Rojhilatê Sûriyeyê dest bi dayina pereyên kirîna genim ji cotkarên herêmê kir.

ROJANE

6 tîrmeh, 2025 12:24

NAVENDA NÛÇEYAN

Ofîsa Navendî ya Pere û Diravan li Bakur û Rojhilatê Sûriyeyê îro dest bi dayina bihayê fatûreyên kirîna genim kir.

Desteya Aborî û Çandiniyê di 2ê Tîrmehê de ragihand ku pêvajoya wergirtina genim ber bi dawî ve diçe, heta niha 275 hezar ton li navendên wergirtinê yên herêmê hatine wergirtin.

Rêveberiya Xweser di 11ê Hezîranê de ragihand ku ew ê genim bi bihayê 420 dolarî ji bo her tonek ji cotkaran bikire.

Ji bo dayina pereyên kirîna genim jî li bajarên Dêrikê, Qamişlo, Hesekê, Reqa, Tebqa, Kobanî û Dêrazorê heft navendên belavkirinê hatine amadekirin.

Rêveberê karûbarên Bankayê li Ofîsa Navendî ya Pere û Dravdanê li Bakur û Rojhilatê Sûriyeyê, Mecîd El Ibo berî niha ji ajansa me re diyar kiribûn ku ji bo belavkirina pereyên fatûreyan tîmek pispor hatiye erkdarkirin da ku pêvajoya belavkirin bi rêkûpêk bimeşe.

(k)

hesekê