Li Pêşangeha Şehîd Herekol romana "Hemawî" hat îmzekirin

Pêşangeha Şehîd Herekol a Pirtûkan a Navneteweyî ya 9ˊemîn li hola Parka Azadî ya Qamişloyê di roja xwe ya dumeyîn de didome.

Çaverê bû saet di 17.00ˊan êvara îro, bi sernavê "Nivîsandina rojnivîsên şer" semînerek ji hêla nivîskar  Mehmûd Wehbê ve bihata dayîn, lê ji ber girtina rêyên di navbera Şamê û Herêma Bakur û Rojhilatê Sûriyeyê dej I hêla hikumeta veguhêz a Sûriyeyê, semîner betal bû.

Di roja 2'yemîn a pêşangehê de romana "Hemawî" ya bi zimanên Kurdî û Erebî ya nivîskar Fehîme Deştan hat îmzekirin. Roman li ser çîroka evînê û têkoşîna zêdetirî 30 salî dirêj kiriye, ye.

Di romanê 2 evîndar rêya berxwedana li çiyayên Kurdistanê hildibijêrin û bi hev re kêliyên têkoşîn û xebata çekdarî dijîn, di dawiyê de di berxwedana li hemberî dewleta Tirk a dagirker de şehîd dibin.

Nivîskar, ku di qonaxên şer de jiyaye, bîranînek zindî ya têkoşînê anî bîra xwe ku di navbera bergê romanekê de lêdide, û roman ji hûrguliyên realîst ên bi hest û fedakariyê têkel bûne hûnand.

Di pêşengehê de 51 weşanxane û saziyên çandî yên ji çar parçeyên Kurdistanê, Sûriyê, Tirkiyê, Iraq, Lubnan, Siwêd û Belcîka beşdar bûne, di heman demê de ji ber rewşên li herêmê 9 weşanxeyên din jî nikarîn amade bibûna. Di pêşengehê de 140 hezar pirtûkên di nava xwe de 14 hezar û 700 sernavan dihewînin, hatine pêşandan. Pirtûk bi zimanên kurdî, erebî, suryanî, ermenî û Ingilîzî ne.

(mh/fr)

ANHA