Li 5 bajaran komplo bi hêrs hate şermezarkirin

Li bajarê Hesekê bi hezaran welatiyên ji hemû pêkhateyan bi boneya salvegera 27’an a Komploya 9’ê Cotmehê meşiyan. Giseya gel li Çerxeriya Sînalko hatin cem hev û heta Çerxeriya Navenda Agirkujiyê meşiyan. Meşvanan posterên Rêber Abdullah Ocalan û  pankartên bi nivîsên li dijî komployê û daxwaza azadiya fîzîkî ya Rêber Abdullah Ocalan vekiribûn.

Mevan bê navber diruşmên li dijî komployê û daxwaza azadiya Rêber Apo beriz dikirin. Girse li Çerxeriya Navenda Agirkujiyê kom bûn. Li vir hevserokê Meclisa Gel a Hesekê Farûq Tozo axivî û got ku Rêber Abdulah Ocalan bingeha aştî û demokrasiya herêmê daniye û destnîşan kir ku dema azadiya wî ya fîzîkî hatiye.

Meş bi dirûşman bi dawî bû.

TIL TEMIR

Şêniyên Til Temir û Zirganê jî bi heman armancê û ji bo şermezarkirina êrişa li dijî Serkaniyê û Girê Spî ya di 9’ê Cotmehê de destpê kir, meşek girseyî lidar xist. Girseya gel li ber navenda Malbatên Şehîdan a bajarê Til Temir hatin cem hev. Ji vir geseya gel ku ji Ereb, Kurd, Asûrî û Suryan ên ji Ti Temir û Zirganê, her wiha koçberên Serêkaniyê û Efrînê jî beşdarî meşê bûn. Nûnerên saziyên sivîl, rêxistinên jinan û rûspiyên herêmê jî beşdarî meşê bûn.

Meşvanan posterên Rêber Abdullah Ocalan û alên QSD’ê vekiribûn. Her wiha diruşmên li dijî dagirkeriya Tirk û daxwaza azadiya fîzîkî ya Rêber Abdullah Ocalan qîr dikirin, heta rêya M4 meşiyan.

Li vir li ser navê pêkhateya Ereb Adil El Hemad axivî û got, dewleta Tirk Tirk sûc û binpêkirinên xwe didomîne, hêzên navneteweyî beranberî kirin û sûcên dewleta Tirk bêdeng in. El Hemad her wiha destnîşan kir ku komploya li dijî Rêber Abdullah Ocalan û dagirkirina bajarên Serêkaniyê û Girê Spî bi heman konseptê pêk hatiye û got:  “Armanc têkbirina projeya Rêveberiya Xweser e.”

Li ser navê pêkhateya Kurd Eyhan El Yûnis axivî û bibîr xist ku jinên li Bakur û Rojhilatê Sûriyeyê bûne sembola berxwedanê û ev tişt anî ziman: “Bi saya fikir û felsefeya Rêber Apo jinan ev destkeftî bi dest xistine. Niha sembola azadiya jinan in. Em soz didin em ê têkoşîna xwe heta azadiya fîzîkî ya Rêber Abdullah Ocalan û rizgrkirina bajarên Serêkaniyê û Girê Spî bidomînin.”

TIL BIRAK

Li bajarê Til Birak ji bo meşa şermezarkirina Komploya Navneteweyî ya li dijî Rêber Abdullah Ocalan, tevahî şêniyan dikanên xwe venekirin û beşdarî meşê bûn.

Bi sedan şênî, tevahî endamên saziyên sivîl, hêzên leşkerî, partiyên siyasî, mamoste  beşdarî meşê bûn.

Girse bi hildana wêneyên Rêber Abdullah Ocalan û pankartên "Em Komploya Navneteweyî şermezar diki û azadiya fîzîkî ya Rêber Apo dixwazin" ji deriyê ketina rojavayê bajar dest bi meşê kir. Di meşê de dirûşmên silavkirina berxwedana Îmraliyê û banga mezinkirina têkoşîna azadiya wî ya fîzîkî hatin berzkirin.

Meş li çerxerêya Hêzên Ewlekariya Hundirîn veguherî mîtîngê û deqeyek rêz hat girtin. Piştre endama Meclisa Bajarê Til Birakê Efaf El Salih axivî. Efafê diiyar kir ku tevahî komployên bi armanca jiholê rakirina ramanên Rêber Abdullah Ocalan têk çûn û got: "Ramanên wî bûn îlhama domandina şoreşê."

Endama Kongra Star Sîmav Etê jî diyar kir ku Rêber Abdullah Ocalan ronakbîrê siyasî yê yekemîn e projeyek pêşkêş kir ku xizmeta gel dike, lew ra jî hêzên navneteweyî komplo li dijî wî pêk anîn. Sîmav bang li rêxistinên hiqûqî kir ku pergala îşkenceyê ya li Îmraliyê bi dawî bike û azadiya fîzîkî ya Rêber Apo mîsoger bike.

Mîtîng bi berzkirina dirûşmên "Bê Serok jiyan nabe " bi dawî bû.

ŞEDADÊ

Bi pêşengiya Meclisa bajarê Şedadê yê kantona Cizîrê jî meşek girseyî hat lidarxistin. Şêniyên Mergeda, Erîşe û Deşîşayê jî beşdarî meşê bûn.

Meş ji pêşiya avahiya PYD’ ê ya bajarê Şedadê dest pê kir. Di meşê de dirûşmên şermezarkirina komployê hatin berzkirin û daxwaza azadiya wî ya fîzîkî hat kirin.

Meş li pêşiya Parka Rêber Apo bi dawî bû û veguherî mîtîngê. Bi navê Meclisa PYD’ê y a Şedadê Yûsif Dahir axivî. Yûsif di axaftina xwe de destnîşan kir ku komplo ji bo hedefkirina fikirê neteweya demokratîk û azadiya gelên Rojhilata Navîn hat kirin, lê bi saya berxwedana gelan têk çû. Yûsif Dahir ji bo azadiya fîzîkî ya Rêber Abdullah Ocalan pêk were banga mezinkirina têkoşînê kir.

Bi navê Meclisa PYD’ê ya Mergedayê jî Nebîh El Hesen axivî. El Hesen destnîşan kir ku revandina Rêber Abdullah Ocalan hewldanek ji bo şikandina vîna gelan bû, lê ev hewldan veguherî  rêya mezinkirina têkoşînê.

Bi navê Meclisa Bajarê Şedadê Emel Mihemed jî axivî û got, tecrîda 27 sal e li  dijî Rêber Abdullah Ocalan dewam dike binpêkirina pîvan û qanûnên mirovî ye. Emel Mihemed bang li civaka navneteweyî kir ku bi lez Rêber Abdullah Ocalan azad bike.

HOL

Şêniyên bajarê Holê yê kantona Cizîrê jî ji bo şermezarkirina komploya 9’ê Cotmehê çalakiyek li pêşiya navenda Perwerdeyê li dar xist. Nûnerên PYD, Rêveberiya Xweser, Kongra Star û bi dehan şênî beşdar bûn.

Çalakî bi deqeyek rêzgirtin dest pê kir. Piştre ji rêveberên Meclisa PYD’ê ya Holê Emar Mûsa axivî. Emar Mûsa anî ziman ku Rêber Abdullah Ocalan tevahî komployên pergalên kapîtalîst û yên dewleta Tirk vala derxistin û girtîgeha Îmraliyê kir minareya azadiyê.

Emar Mûsa di dewam axaftina xwe de destnîşan kir ku ramanên Rêber Abdullah Ocalan li tevahî cîhanê belav bûye.

Hevseroka Meclisa Bajarokê Um Hicêra Emîra Xelef jî axivî û diyar kir ku revandina Rêber Abdullah Ocalan dawî li têkoşîna gel neanî, lê israra domandina meşa azadiyê zêdetir kir. Emîra Xelef got, felsefeya Rêber Abdullah Ocalan ji tevegerên azadiyê yên li Bakur û Rojhilatê Sûriyeyê bûye bingeh.

Di çalakiyê de endama Kongra Star Hesa Îsmaîl jî anî ziman ku Rêber Abdullah Ocalan fîzîkî dîlgirtiye lê bi fikr û felsefya xwe azad e. Her wiha bang li rêxistinên hiqûqî û Neteweyên Yekbûyî kir ku destwerdanê bikin û azadiya fîzîkî ya Rêber Abdullah Ocalan pêk bînin.

Çalakî bi berzkrina dirûşmên bi banga azadiya fîzîkî ya Rêber Abdullah Ocalan bi dawî bû.

DIRBÊSIYÊ

Li bajarê Dirbêsiyê jî yê kantona Cizîrê bi sedan kes bi meşekê komplo şermezar kir û daxwaza azadiya fîzîkî ya Rêber Abdullah Ocalan kir.

Girse ji pêşiya Parka Şehîd Zevîn dest pê kir û li pêşiya Navenda Yekitiya Jinên Ciwan veguherî mîtîngê. Di meşê de dirûşmên "Bijî Serok Apo" û "Bê Serok jiyan nabe" hatin berzkirin. Wêneyên Rêber Abdullah Ocalan hatin bilindkirin û pankartên bi banga rakirina tecrîdê û azadiya fîzîkî  ya Rêber Abdullah Ocalan jî hatin vekirin.

Li pêşiya Navenda Yekitiya Jinên Ciwan ji bo bîranîna şehîdên têkoşîna azadiyê deqeyek rêz hat girtin. Piştre endama Kongra Star Ebîr Hesen axivî. Ebîr komploya navneteweyî û pergala îşkence û qirkirinê ya li dijî Rêber Abdullah Ocalan şermezar kirin û got: "Armanca komployê têkbirina Tevgera Rizgariya Kurdistanê bû. Lê berxwedana gel a bi pêşengiya ciwanan komplo têk çû û rihê berxwedanê geştir bû."

Ebîr Hesen bi armanca azadiya fîzîkî ya Rêber Abdullah Ocalan pêk were jî banga mezinkirina têkoşînê li gel kir.

Di mîtîngê de endamê PYD’ê Egîd Misto jî axivî û ev tişt got: "Komplo bi serhildana gelê azad rû bi rû ma. Bi ramanên Rêber Abdullah Ocalan zindana Îmraliyê bû minareya aştî û azadiyê."

Mîtîng bi berzkirina dirûşmên silavkirina berxwedana Rêber Abdullah Ocalan û têkoşîna ji bo azadiya wî ya fîzîkî bi dawî bû.

(dc/bb)