Komînên Qamişloyê xebatên xwe didomînin

Li ser bingeha biryara ku Rêveberiya Xweseriya Demokratîk a Herêma Bakur û Rojhilatê Sûriyeyê daye, ku her roja şemiyê ji hefteyê bibe roja xebatê li komînan, komînên bajarê Qamişloyê xebatên xwe didomînin.

Li gorî Rêveberiya Xweser ragihandibû, Ev biryar di rûniştina 114ˊan a Meclisa Gelan a Demokratîk de hatibû dayîn. Di wê rûniştinê de erkên meclisên xwecihî û mekanîzmayên aktîvkirina rola komînan hatibûn nîqaşkirin.

Têkildarî mijarê, li gorî hevserokê komînê Serdar Tîlo, Komîna Şehîd Elî çalakiya xwe ya meydanî didomîne. Komînê endamên xwe dabeşî koman kirin û ev kom serdana malbatên şehdaîn dikin, destpêşxeriyên paqjiyê bi rêxistin dikin, serjimariyê dikin, alîkarîkirina şêniyan di karên rojane de dikin û mazotê dikin.

Li Komîna Şehîd Reed jî, li gorî kesên xebatê bi rê ve dibin 2 kom hatine çêkirin; ya yekê serdana malbatan dikin û ya duyê jî kesên amade dibin û endamên destûran dixwazin qeyd dikin.

Li aliyekî din jî hevserokê Komîna Şehîd Rûken, Mihemed Elî diyar kir ku bi piştgiriya Mala Jinan û xelkê taxê dersên zimanê Kurdî ji bo tevahî beşên civakê tên dayîn. Elî anî ziman ku ev gav şêniyan di aliyê xwendin û nivîsandinê de xurttir dike.

Li gorî plansaziya meydanî, her 2 komîn bûn yek û li navendekê dersên ziman dibînin.

Li gorî bernameya hatiye danîn; komîna şehîd "Lewend û Memo" li navenda Komîna Şehîd Memo ya taxa Hilko rojên şemî, duşem û çarşemê saet 04:00ˊan dersên ziman dibînin.

Komînên şehîd "Adil, Delîl, Fexrî" li navenda Komîna Şehîda Adil a li taxa Kornîş rojên yekşem, sêşem û pêncşemê saet 05:30ˊan dersên ziman dibînin.

Komînên şehîd "Rûken û Qamişlo" li dibistana Hisên Ebdullah a li taxa Siyahî wek destpêkê rojane saet 04:30ˊan dersan dibînin.

(fr)

ANHA