Koçberên Efrînê dixwazin bi ewle vegerin warê xwe

Koçberên Efrînê daxwaza vegera ewle li warê xwe kir û got, girêdana bi Efrînê ve ji girêdaneke erdîngarî wêdetir girêdana bi nasname û dîroka xwe ve ye.

ROJANE

11 sibat, 2026 03:45

QAMIŞLO

Şêniyên ji Efrînê yên cara çaremîn ji warê xwe koçber bûne, piştî ji Reqa û Tebqayê bi darê zorê hatin koçberkirin li bajarê Amûdê hatine bicihkirin bi biryar in ku bi awayekî lezgîn û ewleh vegerin warê xwe.

Koçberê bi navê Ehmed Bekir diyar kir ku çekdarên hikumeta demkî gefa kuştin li wan xwarin û gotinên xirab ji wan re kirine û got, çiqas astengî û zehmetî hebin ew dixwazin vegerin warê xwe Efrînê.

Koçbera bi navê Nezîra Henan jî daxwaza vegera li bajarê xwe Efrînê kir û ev li gotinên xwe zêde kir "Em qedera xwe nizanin. Em dixwazin vegerin. Em ji ber xerîbiyê westiyan. Em dixwazin bi ewle û aram li ser erdê xwe bijîn."

Koçbera bi navê Evîn Mihemed jî da zanîn ku ew di rewşek zehmet re derbas dibin û çareserî di vegerê de ye.

Evînê got: "Em nizanin dijmin çi ji me dixwaze. Tevahî zarokên me li koçberiyê ji dayik bûne û nizanin ew ji ku derê ne. Em dixwazin bi rûmet bi hêzên xwe re vegerin. Em li bendê derfetê ne. Heya kengî em ê koçber bin?"

(bb)

ANHA