Ji Komîteya Dîplomasiya Hevpar a Kurdistanê peyama meşê

Meşa Tevgera Jinên Azad (TJA) a ji bo azadiya fîzîkî ya Rêber Abdullah Ocalan di roja pêncemîn de ye.

Komîteya Dîplomasiya Hevpar a Sazî û Partiyên Siyasî yên Kurdistanê têkildarî meşê peyameke piştevaniyê weşand.

Komîteyê ragihand ku wan li paytexta Belçîka Brukselê civîna xwe ya 31'emîn lidar xistin û di civînê de perspektîfên çareseriyê yên dema nû ya pirsgirêka Kurd a li Tirkiyeyê weke rojeveke girîng nirxandin.

 Di daxuyaniyê de meşa "Bi hêviyê ber bi azadiyê ve dimeşin" a ji Amedê ber bi Enqereyê hate silavkirin û hate gotin, "Em ji sekna bi biryar û bi israr a jinên Kurd hêzê werdigirin ku ji bo paşerojeke azad nîşan didin. Li çar parçeyên Kurdistanê jinan ji bo azadiyê berdêlên giran dan û li ser vê bingehê bûn pêşengên tevgerên berxwedanê yên herî mezin. Îro jinên Kurd li cîhanê têne naskirin û ji bo azadiya me ya neteweyî bûne çavkaniyeke mezin a hêzê.

 Em hêvî dikin ku hikumeta Tirk wê biryardarî, îrade û berxwedana jinên Kurd a li meşa azadiyê bibîne; ji bo pêkhatina azadiyê ya ku tê xwestin, gavên qanûnî û siyasî yên pêwîst biavêje. Ev meş wê ji bo azadiya fîzîkî ya Birêz Abdullah Ocalan bibe wesîle. Em bi baweriya xwe ya bi pîvana 'Jin, Jiyan, Azadî' piştrast in ku ev meşa we, wê bi ser bikeve. Bi silav û hurmetên xwe."

 Saziyê ku daxuyaniya hevpar dane:

 Komîsyona Karên Derve ya Kongreya Neteweyî ya Kurdistanê

Partiya Yekîtiya Niştimanî ya Kurdistanê (YNK)

Hizbî Demokratî Kurdistan Îran (HDK-Î)

Tevgera Goran

Partiya Yekîtiya Demokratîk (PYD)

Kongreya Civakên Demokratîk a Kurdistaniyên li Ewropayê (KCDK-E)

Hizbî Sosyalîstî Demokratî Kurdistan (HSDK)

Partiya Yekîtiya Demokrat a Kurd li Sûriyê (PYDK-S-El Wehde)

Partiya Îslamiya Kurdistan (PÎK)

Rêkxirawî Kurdistanî-Hizbî Komunîstî Îran (Komele)

Hizbî Sosyalîstî Demokratî Kurdistan (HSDK)

Tevgera Jinên Kurdistan Ewropa (TJKE)

Federasyona Êzidiyên Kurdistan (NAV-YEK)

Yekîtiya Suryaniyên Ewropa (E.S.U)

Partiya Yekîtiya Suryanî - Rojava

Partiya Jiyana Azad a Kurdistanê (PJAK)

Komela Dadwerî

Partiya Keska Kurdistan - Rojava

Hizbî Zehmetkêşanî Kurdistan

Partiya Demoqrata Kurdî Sûriya (P.D.K.S)

Partiya Çepa Demokrata Kurd Sûriya (P.Ç.D.K.-S)

Partiya Demokrata Pêşverû Kurd Sûriya (PDPK-S)

Partiya Çepa Kurd Sûriya (PÇK-S)

El Partî Demuqratî Kurd - Suri (PDK-S)

Partiya Rizgariya Kurdistan (PRK)

Partiya Keskên Kurdistanê - Rêkxirawa Sewza Ewropî Kurdistanî

Rêkxirawî Demokratîkî Yarsan

Tevgera Nûjen a Kurdistan Suriye (T.N.K.S)

Partiya Komunîstên Kurdistan (KKP)

Enstituya Kurdî ya Brukselê

Hevbendîya Êzidiyên Sûriyê (HÊS).