Hîlala Zêrîn li Tebqayê broşûr belav kir

Tevgera Hîlala Zêrîn a Çanda Jinan bi hevkariya Nivîsgeha Jinan a Desteya Çand û Hunerê ya kantona Tebqayê kampanya belavkirina broşûran ji bo bidestxistina azadiya fîzîkî ya Rêber Abdullah Ocalan, dest pê kir.

ROJANE

14 îlon, 2025 17:35

TEBQA

Tevgera Hîlala Zêrîn bi hevkariya Nivîsgeha Jinan a Desteya Çand û Hunerê ya kantona Tebqayê dest bi kampanya belavkirina broşûran di çarçoveya daxwaza azadiya fîzîkî ya Rêber Abdullah Ocalan de, kir. Tevgerê xebatên xwe li kantona Reqayê bi dawî kirin û îro li Tebqayê 100 broşûr belav kirin.

Di broşûran de, nameya Rêber Abdullah Ocalan a bi boneya 8`ê Adarê ji jinan re şandiye, heye. Endama rêveberiya Nivîsgeha Jinan a Desteya Çand û Hunerê ya kantonê Betûl El Xelîfe bi beşdariya endamên Desteyê û Navenda Hîlala Zêrîn, naveroka nameyê xwend.

Piştre jinan broşûr li sûk, navend, park, saziyên sivîl, tevgerên jinan mîna Kombûna Jinan a Zenûbyayê, Jineolojiyê û nivîsgehên jinan ên Rêveberiya Xweseriya Demokratîk, belav kirin.

Li gorî berpirsên kampanyayê, çaverê ye ku sibe li kampên Koçberên Efrîn û Şehbayê 100 broşûr û 100 broşûrên din li gundewarê Tebqayê bên belavkirin.

(şx)

ANHA