Hêz û partiyên siyasî helwesta medyaya alîgir şermezar kir

39 hêz û partiyên siyasî yên li Sûriyeyê îro daxuyaniyeke nivîskî der barê helwesta alîgir a gelek dezgehên medyayê yên erebî de weşandin û diyar kir ku van dezgehan tenê vegotina çeteyên hikumeta demkî der barê êrişan de pejirandin û rastiya tiştên ku li wir qewimîn paşguh kirin.

Di daxuyaniyê de hate gotin: "Hin kanalên erebî bi awayekî yekalî û alîgir bi bûyerê re mijûl bûne û paşguh kirine ku tiştê li Eşrefiyê û Şêxmeqsûd qewimîn êrişek aşkera li dijî taxên sivîl ên bi piranî Kurd bû û binpêkirinek aşkera ya peymanên îmzekirî û prensîbên herî bingehîn ên qanûna mirovî ya navneteweyî bû. Li şûna ku rastiyan wekî xwe ragihînin, wan tenê vegotinên yekalî dubare kirin ku karanîna hêzê rewa kirin û zimanê xiyanetkirin û nefretê pêş xistin.”

Daxuyaniyê wiha dewam kir: "Bêdengkirina dengê qurbaniyan, paşguhkirina êşa sivîlan û paşguhkirina dorpêçkirin û bombebaranê, di heman demê de pêşwazîkirina şîrovekarên alîgir û pêşvebirina vegotinên ku tundiyê rewa dikin, dibe hevkariya nerasterast a pêkanîna sûcan.”

Partiyên siyasî "şopandina alîgir û kîndar a ku ji hêla van kanalan ve di ragihandina bûyeran de hatiye pejirandin" bi tundî şermezar kir û wiha dewam kir: “Her wiha em bang li dezgehên medyayê yên Ereb dikin ku berpirsiyariyên xwe yên exlaqî biparêzin, xwedî li regezên profesyonelîzm û bêalîbûnê derkevin, nebin amûran pevçûnan û rêzê li rastiya ku Sûriyeyê welatek ji etnîsîte û çandên cihêreng pêk tê, bigirin ku siberoja vî welatî li ser gurkirin û nefretê nayê avakirin.

Tiştên ku li Eşrefiyê û Şêxmeqsûd qewimîn dê bimînin şahid ku medyaya alîgir dikare bibe hevkarê êrişê û rastî, her çi qas were berevajîkirin jî, dê her ji hemû hewldanên berevajîkirinê bi hêztir be.”

Partiyên ku daxuyanî daye ev in:

1-      Kongreya Neteweyî ya Kurdistanê (KNK)

2-      Partiya Yekitiya Demokratîk (PYD)

3-      Partiya Kesk a Demokrat

4-      Partiya Aştiya Demokratîk a Kurdistanê

5-      Partiya Lîberal a Kurd li Sûriyeyê

6-      Partiya Komunîst a Kurdistanê

7-      Partî Demuqratî Kurdistanî-Sûrî

8-      Partiya Demokrat a Kurdî ya Sûriye

9-      Partiya Çep a Kurd li Sûriyê

10-    Partiya Çep a Demokrat a Kurd li Sûriyê

11-    Partiya Sûriyeya Pêşerojê

12-    Partiya Guhertina Demoqrat a Kurdistanê

13-    Tevgera Nûjen a Kurdistanê-Sûriya

14-    Yekitiya Karkerên Kurdistanê (YKK)

15-    Heye El Weteniye El Erebiya (Desteya Nîştimanî ya Erebî).

16-    Partiya Nûjen û Demokratîk a Sûriyeyê

17-    Partiya Rêkeftina Demokrat a Kurdî li Sûriyê

18-    Partiya Çaksaziyê-Sûriye

19-    Partiya Asûrî ya Demokrat

20-    Partiya Biratî ya Kurdistanê (PBK)

21-   Partiya Roj a Demokratîk li Sûriyê

22-   Tevgera Civaka Demokratîk (TEV-DEM)

23-   Kongra Star

24-   Partiya Muhafizkaran

25-   Partiya Têkoşîna Demokrat

26-   Şepêla Pêşeroj a Kurdistanê

27-   Partiya Demokrat a Kurdistanê-Rojavayê Kurdistanê

28-   Partiya Guhertina Demokratîk

29-   Partiya Yekitiya Suranî

30-   Partiya Kombûna Nîştimanî ya Kurdistanê

31-   Kongreya Neteweyî ya Kurdistanê (KNK)

32-   Partiya Yekitiya Demokrat a Kurdî li Sûriye (Yekitî)

33-   Tevgera Çepir a Şoreşgerî li Sûriyeyî

34-   Partiya Sûraya ya Demokrat

35-   Partiya El Weten El Sûrî

36-   Partiya Kombûna Sûrî ya Demokratîk

37-   Şepêla Sûrî ya Demokratîk

38-   Partiya Guhertinê û avakirina Sûriyeyê

39-  Yekitiya Ermenî