Şêniyên Şedadê şehîd Etiye El Dewas oxir kir

Bi dehan şêniyên Şedadê cenazeya şervanê QSD'ê Etiye El Dewas ku di encama ‎bombebarana dewleta Tirk a dagirker li dijî kampa Holê ya 23'yê Mijdarê de şehîd bûbû, li goristana ‎şehîdan a Şedadê oxir kir.‎

Kerwana oxirkirinê ji pêşiya Meclisa Malbatên Şehîdan a Hesekê dest pê kir û ber bi ‎goristana şehîdan dewam kir. Li goristana şehîdan bi toraneke leşkerî dest bi merasîmê hate kirin. ‎Paşê endama Meclisa Malbatên Şehîdan a navçeyê Zehra El Ehmed pesna rola şehîdan da û ‎got: "Her roj ew şehîdekî ji Hêzên Sûriye Demokratîk (QSD) oxir dikin da ku gelê herêmê bi rûmet ‎bijîn."‎

Ji fermandarê Meclisa Leşkerî ya Şedadê Ewde El Hisên axivî û soz da şehîdan ku rêya wan ‎bişopînin û destkeftiyên gelê Bakur û Rojhilatê Sûriye biparêzin. ‎

El Hisên piştrast kir ku berxwedana gel li hember dagirkeriyê serkeftineke mezin bi dest xist ‎û şoreşa gelê Bakur û Rojhilatê Sûriye xist nava rûpelên dîrokê.‎

Endama Meclisa Malbatên Şehîdan a Şedadê Eyat Îbrahîm wesîqeya şehadetê xwend û ‎radestî malbata şehîd kir.‎

(dm)

ANHA