Şêniyên Hesekê bi hevkariya Hêzên Ewlekariya Hundirîn taxên xwe diparêzin

Ji pênşema borî ve li bajarê Hesekê Hêzên Ewlekariya Hundirîn bi awayekî zêde li bajar belav bûne û ji ber êrişa şaneyên DAIŞ`ê li ser girtîgeha Sînaa ya taxa Xiwêran destekê didin QSD`ê. Armanc ji êrişa şaneyên DAIŞ`ê ku rê vekin da ku bi hezeran çeteyên girtî, birevînin.

Di çarçoveya qedexeya giştî de ji aliyê Hêzên Ewlekariya Hundirîn a Hesekê, bi sedan şêniyên hêzên ewlehiyê bi dilsozî parastina taxên xwe dikin û nobetariyê dikin nexasim bi şev da ku şaneyên DAIŞ`ê êrişî taxên din nekin.

Şêniyên dilsoz alîkariya HPC`ê dikin û li ser bendên kontrolê yên ku li tax, kolan û dagerandinên rêyan her wiha deriyên veguhestina taxana daîne disekinin û destekê didin Hêzên Ewlekariya Hundirîn di peydakirina aramiya giştî ji welatiyan re.

Nûçegihanê ajansa me bi roj û şev li hin taxên bajar geriya û karên dilsoz û endamên HPC`ê di kontrolkirina erebeyan de, nasnameya ajokar û kesên ku derbas dibin, nederfetdayîna ji erebeyên ku erkên fermî bi wan re tune bûn ku derbas bibin, şopandin.

Welatiyê bi navê Hatim El-Elî ku li ser bendeke kontrolê li taxa Miftî bû wiha axivî: "Em dilsoz in. Em destekê didin hêzên leşkerî da ku parastina herêman bikin. Her wiha em destekê didin Hêzên Ewlekariya Hundirîn. Em kolan û taxan dişopînin û ev jî ji bo aştiya şêniyan e."

Hatim El-Elî wiha domand: "Em hemû ereb e, nasname, kaxez û erkên bi ajarokan re, kontrol dikin. Dema ku guman li ser erebe yan jî kesekî hebe em wan disekinînin û radestî aliyên pêwendîdar dikin."

Her wiha endamê HPC`ê Ebdulxefûr Ehmed destnîşan kir ku HPC`ê ji ber êrişa ku di nava 3 rojên borî de li bajar tê kirin, bendên kontrolê li bajar zêd kirin û wiha pê de çû: "Piştî êrişa çeteyên DAIŞ`ê li ser girtîgeha Sînaa û tevgera şaneyan li piraniya herêman, divê mirov li hember wan bisekine û destekê bide Hêzên Ewlekariya Hundirîn. Ew jî bi rêya belavbûna li hemû taxan pêk tê da ku hewldana her kesê ku dixwaze aramî û ewlehiya bajar têk bibe, vala derxin."

Ebdulxefûr Ehmed teqez kir ku ew di nava 24 saetan de li ser bendên kontrolê ne, bi şev zêde dibe û wiha dawî li axaftina xwe anî: "Hêzên me bi beşdarbûna şêniyan bi roj û şev tevgera xwe di nava taxan de, zêde dikin."

(bx)

ANHA