Şêniyên Tebqayê şehîdên meha Sibatê bibîr anîn

Hevseroka Desteya Rêveber Hind El-Elî, Meclisa Malbatên Şehîdan, Rêveberiya Jin a Tebqayê, Meclisa Leşkerî ya Tebqayê, tevî bi dehan endamên komîte û saziyên girêdayî Rêveberiya Sivîl a Demokratîk  a herêma Teqayê û malbatên şehîdan tev li merasîmê bûn.

Merasîm bi deqeyek rêzgirtin destpê kir. Piştre malbatên şehîdan mûm li ber wêneyên şehîdan vêxistin.

Piştî wê endama Meclisa Malbatên Şehîdan a Tebqayê Emîne Ebdulrezaq axivî û bixêr hatina beşdaran kir. Emîne destnîşan kir ku şehîdan ji bo ku şênî di nav aştî û ewlehiyê de bijîn canê xwe feda kirin.

Ji aliyê xwe ve fermandarê Meclisa Leşkerî ya Tebqayê Mihemed El-Raûf soza şopandina rêya şehîdan heya rizgarkirina Sûriyê ji terorê da.

Her wiha hevserok Komîteya Aborî ya Rêveberiya Sivîl a Demokratîk a herêma Tebqayê Ehmed Suleyman girîngiya hevgirtina pêkhateyan teqez kir û destdanên Hêzên Sûriya Demokratîk li hemberî êrişa Tirkiyê destnîşan kirin.

Di dawiyê de sînevizyonek girêdayî jiyana şehîdan û destanên wan li eniyên şer hate pêşendan.

Navên şehîdan wiha ne: Ebdulsamed El-Ehmed, Samir Hisên Hemade, Suleyman Ziyab, Fayiz Mişarî, Diya El-Salim, Mihemed Elî Eclen, Mehêr Ebdulhelîm El-Wês, Îbrahîm El-Selame, Mihemed Tiwêriş, Ebdulxaliq Ebdulrezaq, Usama Ebidul qewî, Ehmed Esad El-Kerîm, Hisên El-Sewas û Mihemed El-Hemed.

(şx)

ANHA

<iframe width="560" height="315" src="https://www.youtube.com/embed/9iWw-Gd7OnM" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>