Pêdiviyên dibistanê pêşkêşî kampa Girê Spî hate kirin

Rêveberiya Kampa Girê Spî di 9`ê Çileyê de dibistanek ji zarokên di nav kampê de vekir. Rêveberiyê 4 ode ji wê diyar kirin. Ji aliyê xwe ve Komîteya Perwerde ya Eyn Îsayê daniştok û dep ji wan re peyda kirin.

Di destpêkê vekirinê de derdora 350 zarok tev li dibistanê bûn. Lê ji ber ku hinek kêmasî di materyal û amûrên germkirinê de derketin nîvê zarokan nehatin dibistanê.

Piştî gelek bangawaziyên  Rêveberiya Kampê ji rêxistinên mirovî yên ku li herêmê kar dikin, da ku alîkariya şêniyên kampê bikin û desteka dibistanê bikin. Her wiha piştî ku tu bersîv ji wan aliyan nehat Desteya Perwerde û Fêrkirinê ya herêma Firatê 10 kon ji bo perwerdekirina zarokan veqetandin. Her wiha tevahiya pêwîstiyên dibistanê ji dep, daniştok û amûrên germkirinê peyda kirin.

Desteyê ji bo perwerdekirina zarokan, 22 mamoste erekdar kirin.

Di destpêka vekirina dibistanê de 8 mamoste ji şêniyên kampê bi dildarî zarok fêr dikirin.

Di vî warî de hevserokê Komîteya Perwerde û Fêrkirinê ya navçeya Eyn Îsayê Marûf El-Şêx Salih got bi vekirina dibistanê re di meha derbasbûyî de hejmara zarokan vegere mîna berê.

Kampa Girê Spî di 22`yê Mijdara 2019`an de hate avakirin. Niha tê de hezar û 982 koçber ji şêniyên kantona Girê Spî û gundewarê wê dimînin.

(şx)

ANHA

<iframe width="560" height="315" src="https://www.youtube.com/embed/CA0Y1TiZd3k" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>