Şehîdên Şerê Tunekirina Teror hatin oxirkirin

DÊRAZORÊ

Şêniyên Dêrazorê cenazeyên 4 şervanên QSD`ê Hisên El-Ebid (Mekhil), Abdullkerîm El-Nebir (Nemir), Selame El-Recawî (Xezeb), Hemûd EL-Elî (Hemûd) ên di pêngava dawîn a hemleya Bagera Cizîrê ya bi navê "Şerê Tunekirina Terorê" de şehîd bûn li Goristana Şehîd Hanî El-Hesen oxir kirin.

Meclisa Malbatên Şehîdan, endamên saziyên civaka sivîl, endamên Meclisa Sivîl a Dêrazorê, şervan û fermandarên QSD`ê tev li merasîmê bûn.

Merasîm bi rêzgirtinê dest pê kir. Paşê yek ji fermandarên QSD`ê Ebû Umer axivî û sersaxî ji malabata her çar şehîdan re xwest û got bi saya şehîdan herêm ji çeteyan tê rizgarkirin û destnîşan kir ku tu carî têkoşîna şehîdan nayê jibîrkirin û ew ê heta dawiyê şopdarên rêya wan bin.

Ji aliyê xwe ve bavê yek ji şehîdên hatin oxirkirin Hemûd El-Xelîl axivî û got kurê wî ji bo azadî û aştiyê canê xwe feda kir û soz da ku ew ê heta dawiyê şopdarên rêya kurê xwe û hemû şehîdan bin da ku xaka xwe û gelê xwe ji çeteyan rizgar bikin.

Paşê wesîqetên şehadetê ji aliyê yek ji rêveberên Saziya Malbatên Şehîdan Wefa El-Celal ve hate xwendin û radestî malbatên şehîdan hatin kirin.

Di dawiyê de cenazeyên her çar şehîdan di nava dirûşmên dilsoziya bi şehîdan re hatin oxirkirin.

(bx)

ANHA