Serêkaniyê şehîd Sibhî Qasim oxir kir

HESEKÊ

Endamê Hêzên Erka Xweparastinê Sibhî Qasim Mihemed ku ji pêkhateyê Ereb e, di 6’ê îlonê de bi hevalê xwe Ehmed El-Îsa li ser rêya bajaroka Mebrûka ya Serêkaniyê di encama teqîna mayînekê de şehîd bû û hevalê wî jî giran birîndar bû. Îro gelê Serêkaniyê bi merasîmekî Sibhî oxir kirin. Piştî ku cenazeyê Sibhî ji aliyê heval, malbata xwe û gelê Serêkaniyê ve ji morga Nexweşxaneya Roj a Serêkaniyê wergirtin bi karwanek wesayîtan heta Goristana Şehîdên Serêkaniyê birin.

Merasim li goristanê pêk hat. Piştî rêzgirtinê axiftin hatin kirin. Li ser navê Meclîsa Malbatên Şehîdan Endam Îsmaîl Ferhan axivî û bi xêrhatina gelê Serêkaniyê kir. Îsmalîl diyar kir ku ew bejna xwe li hember hemû şehîdan bi taybet Şehîd Sibhî ditewînin û wiha got: “Carek din li Sêrkaniyê xwîna şervanek Ereb tevlî xwîna birayê xwe yê Kurd bû. Ji ber ku ji tevahî îspat bikin ku gelê Rojava û Bakûrê Sûriye yê bi yek rih û bi yek can li axa xwe xwedî derdikevin. Em dîsa bejna xwe li ber şedîd Sibhî ditewînin û dibêjin şehîd namirin.”

Li ser navê  Hêzên Erka Xweparastinê Harûn Serêkaniyê axivî û da zanîn ku şehîd Sibhî canê xwe ji bo gelê xwe daye û wiha pêde çû: “Ji bo azadiya gelê xwe, ji bo jiyanek aram a gelê herêmê û ji bo demokrasiyê çi ket ser milê wî kir. Ew rêhevalê çeka me ye. Em ji esman daketin erdê û me dijminê mirovahiyê xist bin erdê.

Li ser navê malbata Şehîd Sibhî, Apê Şehîd Ebdullah Bedran jî bi xêrhatina gelê ku li merasîmê hezir b bû û anî ziman ku şehîd sembola herî pîroz e. Ebdullah got ku şehîd ji bo azadiya gelê xwe şer dikin û gotinên xwe wiha bi dawî kir: “Ji ber ku şehîd ewqas pîroz e navê wî di gelek ayetên Quranê de derbas dibin. Şehîd namirin, şehîd namirin.”       

Piştî axaftinan wesîqeya şehîd hat xwendin û radestî malbatê hat kirin. Hevalên Şehîd Sibhî ew li ser milên xwe gihatin gora wî û ew spartin axê.

(bm)

ANHA