Hewldanên Komîteya Karûbarên Civakî ji bo peydakirina derfetên kar

Piştî ku ewlehî û aramî li bajarê Tebqayê û gundewarên wê çêbûye, Komîteya Karûbarên Civakî ya Rêveberiya Sivîl a Demokratîk a Tebqayê, bi armanca alîkariya bêkaran û sûdgirtina ji enerjî û tecrubeyên wan, hewl dide derfetên kar ji wan re peyda bike.

25 tîrmeh, 2018 08:15

TEBQA

Li gorî serjimariya ku hevserokê Komîteya Karûbarên Civakî ya Tebqayê anî bû ziman, hejmara kesên ku li Miduriyeta Kar a girêdayî komîteyê xwe qeyd kiribûn gihaşt 8 hezar û 423 kesan, ew jî ji destpêka vekirina wê beriya salekê ve ye.

Heta niha komîteyê karîbû ji 2 hezar û 425 kesan re ku berê navên xwe qeyd kiribûn, di saziyên cude yên Rêveberiya Sivîl a Demokratîk de kar peyda bike. Hinek ji wan wek rêveberên komîte û desteyan û her wiha wek karker di sazî û beşên xedemî yên cude de hatin erkdarkirin

Hevserokê Komîteya Karûbarên Civakî Ebdulxenî El-Ferec destnîşan kir ku komîte bi awayekî cidî hewl dide ji bo kesên ku navên xwe li Miduriyeta Kar qeyd kirine kar ji wan re peyda bike û wiha pê de çû: "Em di Komîteya Karûbarên Civakî de hewl didin hemû kesên xwe tomar kirine çi bi rêya rêxistinên mirovî û çi bi riya miduriyetên hikumetê erkdar bikin.

Hêjayî bibîrxistinê ye ku herêma Tebqayê piştî rizgarkirinê bû meqseda bi hezaran koçberên ku ber şerê Sûriyeyê ya xwînawî direvîn û niha bi sedan ji wan di nav xebatên jinûveavakirinê de cihê xwe girt.

(şx/ew)

ANHA