Li Hesekê pirsgirêka paqijiyê nayê çareserkirin

Li kolan, park û derdora dibistanên Hesekê çop kom bûye. Şênî gazincan dikin, Daîreya Paqijiyê jî got wesayîtên wan xira bûne û hejmara karkeran kêm e.

CIVAK Û JIYAN

13 mijdar, 2026 03:25

HESEKÊ

Li bajarê Hesekê pirsgirêka paqijiyê mezin bûye. Çop li kolanên wê kom bûye û şêniyan got ew ji ber bêhnê û gemarê îdare nakin û metrisî heye ku nexweşî belav bibin. Daxwaz ji aliyên têkildar kirin ku çareyekê ji pirsgirêka paqijiyê re bibînin.

Êdî çop li kolan, park û derdora dibistanan gelekî kom bûye.

Berpirs û berdevkê Daîreya Paqijiyê ya Hesekê Ehmed El Zahir der barê pirsgirêkê de axivî û got: "Daîre 2 danan dixebitî, bi roj û bi şev. Lê şaredarê Hesekê ev biryar guhert û xebata danê êvarê betal kir. Her wiha gelek wesayîtên me xira bûne û hejmara karkerên beşa paqijiyê kêm e."

El Zahir got tîma paqijiyê li gorî plansaziya datînin li pêşiya wê dixebite û wiha lê zêde kir: "Ji aliyê başûr û rojava dest pê dike, piştre bazarê paqij dike û her dawî aliyê bakur û rojhilatê bajêr paqij dike. Heke tîma paqijiyê danê êvarî jî bixebitê dê pirsgirêk heyanî astekî were çareserkirin. Her wiha divê aracan bidin me û hejmara karkeran zêde bikin."

(np)

ANHA