Şaredariya Mensûra ji sedî 80'yî navçeyê paqij kiriye

Endamê Rêveberiya Şaredariya Gel a Bajaroka Mensûra ya başûrê herêma Tebqayê diyar kir ku heta niha zêdeyî 80 ji sedî ji bajarok hatiye paqijkirin û destnîşan kir ku di demek nêzîk de wê paqijkirina navçeyê bi dawî bibe.

5 nîsan, 2018 08:39

TEBQA

Şaredariya Gel a navçeya Mensûra ya Tebqayê berê 2 terektorên wê û 26 xebatkar hebûn, lê niha û bi hevkariya bi şaredariya gel a Tebqayê û rêxistinek navdewletî re niha bendozer, 4 qelab, 10 terektor û 105 kar ker tê de hene. Her wiha 26 karkerên berê jî xebata xwe didomîn in. Rojane 8 saetan bê navber xebata xwe ji bo paqijkirina navçeyê didomîn in.

Piştî ku alavên şaredariyê hate zêdekirin, çopa ku bê ser û ber li navçeyê kom bibû tê avêtin, her wiha riya giştî, peyrê û sûka navçeyê jî têne paqijkirin. Şaredariyê çopxane bi cih kirine û ji hemû welatiyan xwestin ku qirêj û çopa xwe bavên cihê wê yên taybet, da ku ewlekariya tenduristiya welatiyan were parastin.

Endamê Rêveber ê Buroya Xizmetguzariyê yê Şaredariyê Emara El-Salih diyar kir ku di encama xebata wan de heta niha 80 ji sedî ji navçeyê hatiye paqijkirin û got ku di nava çend rojan de wê tavahî navçeyê paqij bibe.

(dc)

ANHA