ˋAmerîka veguhastina girtiyên DAIŞˊê bo Iraqê hêdî kiriyeˊ

Çavkaniyan ji Reutersê re daxuyand ku, piştî Bexdayê ji Amerîka xwest demê bide ku danûstandin bi dewletên dîtir re were kirin û cihên din ên girtiyan werin amadekirin, xebatên artêşa Amerîkayê yên veguhastina girtiyên DAIŞˊê ji Sûriyeyê bo Iraqê di vê hefteyê de hêdî bûne.

30 ÇILE, 2026 23:01

NAVENDA NÛÇEYAN

Heft çavkaniyên şopîner ji Reuters re gotine ku çalakiyên artêşa Amerîkayê yên ji bo veguhestina girtiyên DAIŞˊê ji Sûriyeyê bo Iraqê vê hefteyê hêdî bûne. Ev yek jî piştî bangên Bexdayê ji welatên din ku bi hezaran ji wan werbigirin, e.

Artêşa Amerîkayê di 21ˊê Çileyê de ragihandibû ku wê dest bi veguhastina girtiyên DAIŞˊê kiriye.

Dewletên Yekbûyî yên Amerîkayê (DYA) texmîn dikir ku wê di çend rojan de 7 hezar girtiyên DAIŞˊê veguhêze Iraqê, lê li gorî berpirsiyarên dozgerî yên Iraqî û 2 berpirsên ewlehiya Iraqê û 3 dîplomatan, piştî zêdetirî hefteyekê tenê nêzî 500 girtî veguhastine.

Rayedarekî Wezareta Deve ya Iraqê diyar kir ku heta niha 500 girtî hatine veguhastin.

Li gorî berpirsên Iraqî û dîplomasî yên rojavayî ku ji Reutersê re daxuyandine, Bexdayê ji DYAˊyê xwestiye ku veguhastinê hêdî bike da ku dema ji bo danûstandinên bi dewletên din re hebe ku welatiyên xwe bibin û cih ji bo çeteyên DAIŞˊê çêkin.

Çavkaniyên dozgerî yên iraqî, berpirsên ewlehî yên iraqî û dîplomatên rojavayî diyar kir ku heta niha 130 iraqî û 400 biyanî hatin veguhastin.

(fr)