Xelkê Girkê Legê û Rimêlanê sersaxî da malbata şehîd Demhat

Xelkê Girkê Legê û Rimêlanê sersaxî da malbata endamê Hêzên Ewlekariya Hundirîn şehîd Demhat Girê Spî (Mistefa Hesen) û soza şopandina rêça şehîdan da.

ROJANE

26 îlon, 2026 19:47

QAMIŞLO

Şêniyên bajarê Girkê Legê û bajarokê Rimêlanê û endamên saziyan li bajarokê Rimêlanê sersaxî da malbata endamê Hêzên Ewlekariya Hundirîn şehîd Demhat Girê Spî (Mistefa Hesen).

Mistefa Hesen di 25’ê Îlonê de li ser rêya Qamişlo-Girkê Legê di qezayeke trafîkê de şehîd bû.

Merasîma sersaxiyê bi deqeyeke rêzgirtinê dest pê kir. Dûre endamê Meclisa Malbatên Şehîdan Mihemed Cemîl sersaxî malbat şehîdan û tevahî malbatên şehîdên azadiyê û got: “Fedakariyên şehîdan wê di wijdana me de bimînin, em ê rêça wan bişopînin û pabendî soza ku me daya wan bin.”

Endama Partiya Yekitiya Demokratîk (PYD) Şehnaz Ebdo jî got: “Erka me ye dilsozê fedakariyên şehîdên xwe bin, nirx û destkeftiyên wan biparêzin, li hember rêveçûna wan gihandiye vir berpirsiyar bin.”

Apê şehîd Mistefa Hesen, Hemed Şêx Elî jî got: “Mistefa di nava Hêzên Ewlekariya Hunirîn de erka xwe ya parastina ewlehî û aramiya herêmê pêk dianî. Ji lew re em ê xeta şehîdan dewama bikin.”

Merasîm bi xwendina wesîqeya şehîd, radestkirina ji malbatê re û oxirkirina cenazeyê şehîd bi dawî bû.

(f)