Şaredariyek Fransayê hemwelatiya rûmetê da Nêrgiz Mihemedî

Şaredariya Annecy ya Fransayê, ji ber xebatên wê ya di pêşvebirin û pêşvebirina mafên mirovan de, hemwelatiya rûmetê da çalakvana mafên mirovan Nêrgiz Mihemedî.

6 mijdar, 2025 23:33

NAVENDA NÛÇEYAN

Li bajarê Annecy a Fransayê, bi wesîlaya destpêka "Meha Hevgirtinê", çalakvana mafên mirovan a Îranî û xwediyê Xelata Aştiyê ya Nobelê Nêrgiz Mihemedî, ji ber xebatên wê ya di parastina edalet, azadî û rûmeta mirovan de, hêjayî hemwelatiya rûmetê ya bajêr hate dîtin.

Xelat li ser navê Nêrgiz Mihemedî, ji aliyê kurê wê Elî Rehmanî û hevjînê wê aktîvîstê mafên mirovan Taghi Rehmanî ve hate wergirtin.

Weqfa Nêrgiz Mihemedî, der barê xelatê de daxuyanî da û wiha got: "Weqfa Nêrgiz Mihemedî vê hewldana hêja bi kêyfxweşiyek mezin pêşwazî dike û vê yekê mîna nîşanek piştgiriya gerdûnî ya ji bo mafên mirovan li Îranê û Narges Mohammadî jî di nav de xebata aktîvîstan ji bo parastina edalet, azadî û rûmeta mirovan dibîne.

Em wek Weqfa Nêrgiz Mihemedî, bi dilgermî spasiya rayedar û gelê Annecy dikin û peyama zelal a hevgirtinê ya gelê Annecy û şaredarê rêzdar a bi aktîvîstên mafên mirovan re li Îranê bi awayekî kêyfxweş pêşwazî dikin.”