Salvegera PYD‘ê li Til Temirê hat pîrozkirin

Meclisa PYD‘ê ya bajarên Til Temir û Zirganê bi boneya salvegera 23‘emîn a damezirandina xwe çalakiyeke li xwaringeha El Xeyma ya bajarê Til Temirê li dar xist.

Çalakî bi beşdariya şêniyên her du bajaran û endamên partiyên nûnerên sasziyên sivîl pêk hat.

Çalakî bi rêzgirtinê dest pê kir. Piştre axaftin hatin kirin.

Hevseroka Meclisa Malbatên Şehîdan a Til Temirê Çinar Yûsif anî ziman ku salvegera damezirandina boneya nûkirina soza bi şehîdan re ye û got, qonaxa heyî hewceyî parastina destkeftiyan û xurtkirina hevgirtina pêkhateyan e.

Hevserokê PYD‘ê Xerîb Hiso jî di axaftina xwe de bal kişand ser armancên PYD‘ê û da zanîn ku PYD‘ê ramanên Rêber Abdullah Ocalan esas digire.

Xerîb Hiso bi bîr xist ku PYD‘ê li hemberî  mercên herî zehmet û siyasetên rejîma Baasê têkoşîn berdewam kir û hejmarek pêşengehên wê şehîd bûn.

Di axaftinan de bal kişand ser pirsgirêka Kurd û girîngiya naskirina nasnema, çand û zimanê Kurdî, mîsogerkirina mafên hemû pêkhateyan û avakirina Sûriyeyeke demokratîk.

Di dawiya çalakiyê de soza domandina têkoşînê û xwedîderketina li şehîdan hat kirin.

(bb)