Rêveberiya Xweser rojên betlaneya Cejna Qurbanê diyar kirin

Rêveberiya Xweseriya Demokratîk a Bakur û Rojhilatê Sûriyê bi boneya Cejna Qurbanê biryarnameyek belav kir û tê de ragihand ku betlaneya Cejna Qurbanê ji roja Pêncşemê (5 Hezîran) dest pê dike û heta roja Duşemê (9 Hezîran) dewam dike.

Desteya Karên Derve û Fermandariya Giştî ya Hêzên Ewlekariya Hundirîn ji bo ewlekariya di rojên cejnê hin tedbîr girtin:

- Ji saet 18.00`ê êvarê roja pêncşemê heta nîvê şeva înê ketina kamyon û tankerên mezin û navîn bo nava bajar û bajarokan qedexe ye.

- Di roja yekem a cejnê de, tevgera tankerên sotemeniyê tê rawestandin, bi hevkariya Daîreya Veguhastina Sotemeniyê cihên guncaw ji bo rawestanê tên diyarkirin.

- Dergehên sînorî ji seat 18:00`ê êvarê roja pêncşemê heta saet 18:00ê êvarê roja şemiyê têne girtin, ji bilî tevgera rêxistinên mirovî û alîkariyê û kamyonên alîkariyên tenduristiyê.

- Tevgera rêwiyan dê wekî xwe bimîne.

- Ji roja Çarşemê saet 16.00’an heta roja Şemiyê tevgera motorsîkletên sivîl û leşkerî tê rawestandin.

- Di cejnê de teqandina çekan qedexe ye.

- Li hemû navend û xalên ewlehiyê dê kontrol were zêdekirin û ji bo ewlehiya gel dê kombûnên mezin bên qedexekirin.