Li Tirbespiyê turnuvayê futbolê

Bi beşdariya 10 tîmên ji bajarê Tirbespiyê turnuvayeke futbolê bi navê şehîd Çiya Rizgar hat lidaxistin. Di turnuvayê de tîma gundê Sîhayê bi ser ket.

CIWAN

4 cotmeh, 2025 13:51

QAMIŞLO

Tevgera Ciwanên Şoreşger a Sûriyeyê û Yekitiya Jinên Ciwan bi tevkariya Komîteya Ciwan û Werzîşê ya Tirbespiyê turnuvayeke futbolê bi navê şehîd Çiya Rizgar organîze kir.

Ji tevahî pêkhateyên Tirbespiyê (Kurd, Ereb û Suryan) 10 tîm beşdarî turnuvayê bûne ku li stadyuma bajar hat lidarxistin.

Beriya ku turnuva dest pê bike, deqeyekê rêz hat girtin. Piştre ji rêveberên Tevgera Ciwanên Şoreşger a Sûriyeyê Sefa Hesen axivî. Sefa Hesen diyar kir ku ewlehî û aştiya li Bakur û Rojhilatê Sûriyeyê berhema keda şehîdan e. Sefa destnîşan kir ku ev turnuva peyama aştiyê ya ciwanan ji bo tevahiya cîhanê ye.

Piştî axaftinan maçan dest pê kir. Tîma gundê Sîha û tîma Medya ku gihaştin qonaxa dawîn a turnuvayê, li hemberî hev lîst. Di dawiyê de tîma gundê Sîhayê (3-0) bi ser ket.

Di dawiya turnuvayê de Komîteya Ciwanan xelat li tîmên serketî û lîstikvanan belav kirin.

Turnuva ji bo bîranîna endamê Koordînasyona Komeleyên Ciwanan Rizgar Çiya (Arjîn Yavuz) hat lidarixstin ku 25’ê Tebaxa îsal ji ber nexweşiyeke giran şehîd bûbû.

(bb)

ANHA