Li Kalîforniyayê planeke terorîst hat têkbirin

Wezareta Dadê ya DYAˊyê ragihand ku bi hevkariya FBIˊyê planeke terorîst ku amadekariya wê li wîlayeta Kalîforniyayê dihat kirin, hat têkbirin.

15 kanûn, 2025 19:46

NAVENDA NÛÇEYAN

Reutersê ku agahiyên xwe dispêre daxuyaniya Wezîra Dadê ya Dewletên Yekbûyî yên Amerîkayê (DYA) Pam Bondi diyar kir ku Wezareta Dadê bi hevkariya Ofîsa Federal a Lêkolînan (FBI) planeke terorîst a ku amadekariya pêkanîna wê li wîlayeta Kalîforniyayê dihat kirin, têk bir.

Li gorî medyayên Amerîkayê, Pam da zanîn ku operasyon di encama hevkariya îstîxbaratî û ewlehî ya Wezareta Dadê û ajansên sepandina qanûnê de pêk hat. Pam destnîşan kir ku hîna lêpirsînên der barê tevahî kesên destê wan di planê de heye û aliyên piştgirî dane de didomin.

Texmîn e desthilatên Amerîkayê daxuyaniyên berfireh der barê paşxaneyên planê û tedbîrên qanûnî yên li dijî gumanbaran hatine girtin de bide.

Bi nêzbûna cejnên sersalê piranî dewletên Ewropî û DYAˊyê tedbîrên ewlehiyê yên dijwar li cihên şahiyan girtine û li hin bajarên Ewropayê jî ji ber gefên zêde yên êrişên terorane şahî hatin betalkirin.

(fr)