Li dêran rojbûna pêxember Îsa pîroz kirin

Xiristiyanên li kantona Cizîrê di pîrozbahiyên rojbûna pêxember Îsa de ayînên olî li dar xistin û hêviya aştiyê ji bo Sûriyeyê kirin.

CIVAK Û JIYAN

25 kanûn, 2025 11:55

NAVENDA NÛEYAN

Bi boneya Cejna Rojbûna Pêxember Îsa xiristiyanên li kantona Cizîrê pîrozbahî li dêran li dar xistin.

Li Hesekê xiristiyanan di saetên serê sibehê de bi dengê naqosan berê xwe da Dêra Mar Cerges ku bi dara sersalê hatibû xemilandin. Xiristiyanan li dêran nimêj kir û sirûdên olî yên cejnê xwendin.

Xiristiyanan ji bo Sûriyeyê aştî û ewlehî hêvî kirin û diyar kirin ku ew bi nirxên jiyana hevbeş a di navbera hemû pêkhateyên olî û çandî de girêdayî ne. Her wiha girîngiya pêşxistina çanda jiyana hevbeş vegotin. Di dawiyê de jî cejn li hev pîroz kirin.

Hêzên Ewlekariya Hundirîn ji bo parastina dêran û derdora wan tedbîrên ewlehiyê zêde kirin.

Li bajarê Qamişloyê jî Xiristiyanan li Dêra Keldanî ya Mar Yaqûb û li Dêra Suryaniyên Ortodoks a Meryema rojbûna pêxember Îsa pîroz kir.

Dêrên ku Cejna Rojbûna Pêxmeber (25 Kanûn) pîroz dikin, dêrên Katolîk û piraniya dêrên Protestan in û hin dêrên Ortodoks ên ku li gorî salnameya Gregoryen tev digerin. Dêrên Ortodoks ên ku li gorî salnameya Julyen tev digerin, di 7’ê Çilyê de pîroz dikin. Dêra Ermenî jî di 6’ê Çileyê de rojbûnê pîroz dike.

(b)

QAMISLO

HESEKE