Berteka şêniyên Qamişlo ya dijî êrişên Dêrazorê
Şêniyên Qamişlo êrişên komên girêdayî Hikûmeta Şamê yên li ser Dêrazorê şermezar kirin û xwestin dijî êrişan helwest were nişandan.
Welatiyên bajarê Qamişlo êriş û komkujiyên ku komên girêdayî Hikûmeta Şamê di navbera 7 û 9’ê Tebaxê de (2024) li herêma Dêrazorê pêk anîbûn şermezar kirin û hêrsa xwe anîn ziman.
Welatiyê bi navê Yusif Îlyas diyar kir ku komên çete dixwazin li herêmê tevlîheviyan derxînin û ewlehiya herêmê têk bibin. Yusif da zanîn kut ê xwestin gelên li rojhilatê Firatê bên koçberkirin, lê ev plan bi ser nakevin.
Wetfa Îbrahîm êrişên li dijî sivîlan şermezar kirin û da zanîn ku hin hêz dixwazin li herêmên Rêveberiya Xweseriya Demokratîk tevlîheviyan derxînin. Wetfa Îbrahîm xwest ku her kes dijî êrişan derkeve û dawî li çeteyên êrişkar bê anîn.
Muhenned Eydan jî bang li saziyên mafên mirovan ên navnetewî kir ku li dijî êrişan helwest nîşan bidin.
(a)
ANHA
