Baranê zehmetiyên koçberên kampa Waşûkanî zêde kirin

Xelkê ji Serêkaniyê yê bi darê zorê koçber bûye û li kampa Waşûkanî ya bajarê Hesekê yê kantona Cizîrê ya Herêma Bakur û Rojhilatê Sûriyeyê dimînin ji ber barana xurt û ketina avê li konên wan şeveke zehmet derbas kir. Golên avê yên di hundirê konan û nava kampê de tevgerên şêniyan asteng kirin. 

Binesaziya kampê pir lawaz e, bi taybet ligel nebûna piştigriya rastîn ji hêla rêxistinên navneteweyî û tenê destkedayîn ji hêla Rêveberiya Xweser û rêxistinên xwecihî ve hene. Konên ku zarok û temenmezin tê de dijî xerab bin, wan ji baranê û sermaya zivistanê naparêzin. Şêniyan banga başkirina rewşa debarê û guhertina wan konan kir.

Koçberan daxwaza derketina dewleta Tirk a dagirker û çeteyên wê ji bajarê xwe kir û bang li civata navneteweyî kir ku garantiyên guncaw ji bo vegera ewle û rûmet li warên wan pêkêş bikin.

Rêveberiya Xweser di Cotmeha 2019’an de piştî ku dewleta Tirk û çeteyên wê bajarê Serêkaniyê dagir kir û zêdetirî 150 hezar şêniyên wê yên resen koçber kirin, kampa Waşûkanî li bajarê Hesekê ava kir. Piştî 6 salan, bi hezaran ji wan hîn jî di kampan de di şert û mercên dijwar mb sermaya zivistanê û germaya havînê de dijîn.

(ac/fr)

ANHA