56 cangoriyên azadiyê hatin bibîranîn

Li Tirbespiyê 56 cangoriyên mehên Adar, Nîsan û Gulanê bi merasîmekê hatin bibîranîn.

ROJANE

25 gulan, 2025 13:39

QAMIŞLO

Meclisa Malbatên Şehîdan a bajarê Tirbespiyê bi armanca bîranîna 56 şorşgerên ku li deverên cuda di mehên Adar, Nîsan û Gulanê de şehîd bûne merasîmek li dar xist.

Merasîmê bîranînê li Hola PYD’ê bi amadebûna malbatên şehîdan û şêniyan pêk hat. Piştî deqeyeke rêzgirtin sînevîzyonek li ser nirxandinên Rêber Abdullah Ocalan ên der barê nirxên şehîdan de û wêneyên şehîdan hat temaşekirin.

Endamê Meclisa Malbatên Şehîdan a Tirbespiyê Welat Zeredeşt jî di bîranînê de axivî. Welat Zeredeşt bal kişand ser berdêlên ku pêkhateyên Sûriyeyê di rêya parastina herêmê de dane û got: "Sûriyeyê di pêvajoya derbasbûnê de ye. Divê desthilata Şamê cudabûna xwe ji desthilata Baas îsbat bike û tevahî pêkhateyan beşdarî avakirina Sûriyeya siberojê bikin."

Zeredeşt anî ziman ku malbatên şehîdan şopdarên xeta şehîdan e, piştgiriyê didin QSD’ê û ji bo avakirina Sûriyeke nenavnedî ya demokratîk dixebitin.

Piştre jî wesîqeyên şehîdên her sê mehan hatin xwendin û radestî malbatên wan hatin kirin.

(bb)