34 partiyên siyasî ji bo Onder peyama sersaxiyê da

Endamê Şandeya Îmraliyê û parlementerê DEM Partiyê Sirri Sureyya Onder, di encama krîza dil de, piştî 18 rojan li nexweşxaneya lê dihat tedawîkirin, di temenê xwe yê 62 saliyê de koça dawî kir.

Têkildarê vê yekê, 34 partî û rêxistinên siyasî li Bakur û Rojhilatê Sûriyeyê peyama sersaxiyê da.

Di peyama partî û rêxistinan de wiha hate gotin: "Em partiyên siyasî li Bakur û Rojhilatê Sûriyeyê di demekê de vê agahiya xemgîn dibihîsin, sersaxiyê ji malbata wî ya rûmet, hevrêyên wî yên DEM Partiyê, ji tevahî gelê Kurd û gelê Tirkiyeyê re dixwazin.

Onder ji kesayetên siyasî yên girîng û yek ji rûyên bingehîn di têkoşîna demokrasiyê li hundirê Tirkiyeyê bû. Her wiha di pêvajoya aştiyê ya ku Rêber Abdullah Ocalan bang kiriye de endamekî aktîv û bandorker bû. Roleke teware û girîng di avakirina pirên navbera pêkhateyan de lîst û bê dudilî hewlên pêkanîna lihevkirin û çareseriya siyasî ya pirsgirêka Kurd li Tirkiyeyê kirin.

Onder jiyana xwe kir oxirê pêkanîna pransîbên demokrasî û mafên mirovan û parastina azadiya gelan û rûmeta wan û dê navên wî di bîrewariya tevgera azadiya Kurd û têkoşîna aştiyane li herêmê de neqişandî bimîne.

Em îro têkoşerekî mezin, dengekî azad û alîkarekî durist di avakirina siberojeke hevbeş de li ser bingeha edalet, rûmet û aştiyê de winda dikin. Careke din ji mal, hevrê û hezkirên wî re sersaxiyê û serbrê dixwazin."

Partî û rêxistinên ku ev peyam daye:

Kongreya Neteweyî ya Kurdistanê (KNK)

1-Partiya Yekitiya Demokratîk (PYD)
2-Partiya Kesk a Demokrat
3-Partiya Aştiya Demokratîk a Kurdistanê
4-Partiya Lîberal a Kurd li Sûriyeyê
5-Partiya Komunîst a Kurdistanê
6- Partî Demuqratî Kurdistanî-Sûrî
7-Partiya Demokrat a Kurdî ya Sûriye
8- Partiya Çep a Kurd li Sûriyê
9- Partiya Çep a Demokrat a Kurd li Sûriyê
10-Partiya Sûriyeya Pêşerojê
11- Partiya Guhertina Demoqrat a Kurdistanê
12- Tevgera Nûjen a Kurdistanê-Sûriya
13- Yekitiya Karkerên Kurdistanê (YKK)
14-Heye El Weteniye El Erebiya (Desteya Nîştimanî ya Erebî).
15-Partiya Nûjen û Demokratîk a Sûriyeyê
16- Partiya Rêkeftina Demokrat a Kurdî li Sûriyê
17-Partiya Çaksazîyê-Sûriye
18-Partiya Asûrî ya Demokrat
19- Partiya Biratî ya Kurdistanê (PBK)
20- Partiya Roj a Demokratîk li Sûriyê
21-Tevgera Civaka Demokratîk (TEV-DEM)
22-Kongra Star
23-Partiya Muhafizkaran
24-Partiya Têkoşîna Demokrat
25- Şepêla Pêşeroj a Kurdistanê
26-Partiya Demokrat  a Kurdistanê-Rojavayê Kurdistanê
27-Partiya Guhertina Demokratîk
28-Partiya Yekitiya Suranî
29-Partiya Kombûna Nîştimanî ya Kurdistanê
30-Kongreya Neteweyî ya Kurdistanê (KNK)
31-Partiya Yekitiya Demokrat a Kurdî li Sûriye (Yekitî)
32-Tevgera Çepir a Şoreşgerî li Sûriyeyî
33-Partiya Sûraya ya Demokrat
34-Partiya El Weten El Sûrî

(fr)