Serokê Îtîlafa Niştîmanî ya Lubnanê êrişên dewleta Tirk a dagirker şermezar kirin
Damezirîner û serokê Îtîlafa Niştîmanî ya Lubnanê Yûsif Şamas êrişên dewleta Tirk a dagirker ên li dijî Bakur û Rojhilatê Sûriyeyê şermezar kirin û bang li hêzên rizgariya cîhanî kir ku van êrişan şermezar bikin.
![Serokê Îtîlafa Niştîmanî ya Lubnanê êrişên dewleta Tirk a dagirker şermezar kirin](https://hawarnews.com/kr/uploads/images/202310/164435_155920_0000.jpg)
Damezirîner û serokê Îtîlafa Niştîmanî ya Lubnanê Yûsif Şamas bi rêya nûnertiya Rêveberiya Xweser a Bakur û Rojhilatê Sûriyeyê ya Lubnanê kurtnameyek ji Rêveberiya Xweser re şand.
Şamas di kurtenameyê de êrişên dewleta Tirk a dagirker ên dermirovî yên li dijî Bakur û Rojhilatê Sûriyeyê, sivîlan, stasyonên kehrebe, avê û kargehên xwarinê şermezar kirin û destnîşan kir ku ew êriş di heman asta êrişên Îsraîlê yên li dijî gelê Filistînê de ne.
Şamas bang li cîhanê û hêzên rizgariyê yên cîhanê kir ku destekê bidin gelên bindest û êrişên li dijî van her du gelan şermezar bikin.
(mh)