Însiyatîfa Gel: Tev li çalakiya li Qamişloyê bibin

Însiyatîfa Gel bang li tevahî şêniyên Qamişloyê kir ku tev li çalakiya kon bibin ku sibe li bajêr tê lidarxistin.

NÛÇE

22 îlon, 2023 10:04

Însiyatîfa Gel vê sibehê li Qamişloyê konê çalakiyê yê ji bo banga azadiya fîzîkî ya Rêber Abdullah Ocalan li nêzî Yarîgeha Şehîdên 12′yê Adarê veda.

Însiyatîfa Gel a Herêma Cizîrê 9′ê Îlonê bernameya çalakiyên xwe yên banga azadiya fîzîkî ya Rêber Abdullah Ocalan aşkera kiribû. Li gorî bernameyê dê çalakî û meş li tevahî bajaran li dar bikevin.

Endama Însiyatîfa Gel Hûriyê Şemdîn bi rêya ajansa me bang li tevahî pêkhateyên herêmê kir ku tev li konê çalakiyê bibin. Dê çalakî 2 rojan dewam bike.

Hûriyê Şemdîn wiha got: "Divê jin û ciwan û tevahî gelê Bakur û Rojhilatê Sûriyeyê bi girseyî tev li vê çalakiyê bibin û li dijî siyasetên rejîma Tirk a faşîst rabin."

Li aliyekî din jî endamê Însiyatîfa Gel Yûsif Kotî wiha got: "Divê her welatparêzek û tevahî pêkhateyên herêmê berê xwe bidin konê çalakiyê û beşdarî meşê bibin ku dê li pêş avahiya Komseriya NY′yê li dar bikeve."

(fr)

ANHA