Jinan qanûna malbatê nîqaş kir

Tevger û rêxistinên jinan têkildarî qanûna malbatê ya li Bakur û Rojhilatê Sûriyeyê atolyeyek li bajarê Reqayê li dar xist.

Endamên jinên ên şaredariyên gel ên Reqayê, Komîteya Jinan a Meclisa Sivîl a Reqayê, Desteya Jinan a Rêveberiya Xweser a Bakur û Rojhilatê Sûriyeyê, Meclisa Jinan a Bakur û Rojhilatê Sûriyeyê û Kombûna Jinan a Zenûbyayê beşdarî atolyeyê bûn.

Piştî deqeya rêzgirtinê, Hevseroka Şaredariya Gel a Reqayê Fehîma Casim qanûna malbatê ya li Bakur û Rojhilatê Sûriyeyê xwendin. Qanûn ji 41 bendên girêdayî zewac, cûdabûna jin û mêr û xwedîkirina zarokan pêk tê.

Fehîma Casim anî ziman ku ji be mercên zehmet û aloziya li Sûriyeyê pêwîstî bi pêkanîna wekheviyeke rasteqîn, rêgeza hevjiyana azad û xurtkirina têgeha malbata demokratîk heye.

Fehîma diyar kir ku qanûna malbatê ji piraniya pirsgirêkên civakê yên ku di pêvajoya aloziya Sûriyeyê zêde bûne re çareseriya bingehîn e û got, ji rêxistinkirina têkiliyên ferdên malbatê û diyarkirina û erk û mafên wan re qanûna malbatê tê gotin.

Beşdaran bendên qanûnê nîqaş kirin û girîngiya pêkanîna hevjiyana azad destnîşan kirin.

Ev atolyeya di çarçoveya pêngavekê de hat lidarxistin ku tevger û rêxsitinên jinan bi armanca pêkanîna qanûna malbatê li herêmên ku ev qanûn hîna lê nehatiye pêkanîn, daye destpêkirin. Pêngav wê 3 mehan dewam bike.

(bb)

ANHA