Li dibistanên Qamişloyê komîteyên jîngehê

Komeleya Keziyên Kesk bi beşdariya 25 mamosteyan werşeyeke perwerdeyê bi navê ′Dibistana jîngehî civaka jîngehî ye′ li hola semîneran a li avahiya Desteya Perwerde û Fêrkirinê ya Herêma Cizîrê ya li Qamişloyê li dar xist.

Destpêkê, lêkolîner û çalakvanê jîngehê û endamê Komeleya Keziyên Kesk Mihemed Hisên li ser rewşa jîngehê, xetereyên mirovan li dijî jîngehê û bandora mirovan a li ser atmosferê axivî.

Li aliyekî din jî çalakvanê jîngehê yê rêxistina HDCO’yê Herwan Ferho bernameya dibistanên jîngehê (ECOschool) axivî û wiha got: "Bernameya dibistanên jîngehê ji hêla Rêveberiya Komîteya Dibistanên Jîngehê ve hate danîn. Bi wê re xwendekarên li hundirê dibistanê di dema perwerdeyê de dibistanan veguherînin saziyên perwerdeyê û dostên jîngehê. Ew yek dê bi rêya zanabûna li ser jîngehê û testên pratîk ên di dibistanan de tên kirin, pêk bê."

Berdevkê Komeleya Keziyên Kesk Ziyor Şêxo hûrgiliyên tecrubeya komeleyê û projeyên wê şîrove kirin û diyar kir ku komele ji 2020′an ve pişta xwe nade kesî û gavên aktîf di zêdekirina rûbera şînkahiyê li piranî herêmên Bakur û Rojhilatê Sûriyeyê de avêtin.

Endazyarê çandiniyê Înad Elî semînerek têkildarî cureyên herî girîng ên dar û giyayên li gorî hewaya herêmê û çawaniya çandin û baldariyê wan, da.

Dûre beşdaran pirs û nîqaşên xwe kirin. Werşe bi biryardayîna aktîfkirina komîteyên jîngehê li dibistanên kantonê û erkdarkirina mamosteyan ji bo rêvebirina wan, bi dawî bû.

(fr)

ANHA