Şêniyên Hesekê komkujî şermezar kir

Xwepêşandan ji Çerxerêya Sînalko ya li taxa Til Hecer ber bi Parka Rêber Ocalan a li taxa Nasîre ya li Hesekê ve dest pê kir.

Xwepêşandêran alavên mûzîkê, wêneyên şehîdên komkujiyê, û diruşmên "bijî berxwedana rêber Ocalan", "Şehîd namirin" û "Bê serok jiyan nabe" hildan û berz kirin.

Li parkê, xwepêşandan vegerî mîtîngê û li wir endama rêveber a Meclisa Malbatên Şehîdan a Hesekê Zozan Gul axivî û komkujî şermezar kir û got: "Gelo çawa sûcekî wiha li dijî kesayetên Kurd li dewleteke îdia dike ku demokrat e û parastina mafên mirovan dike, pêk tê."

Zozan wiha domand: "Pêkanîna mîna vê komkujiyê li dijî Kurdan li Fransa nîşaneya ku Fransa jî siyasetên sûcê li dijî Kurdan pêk tîne. Em ê çalakiyên xwe li Rojava û tevahî cîhanê dewam bikin û li hember van siyasetan destgirêdayî namînin."

Her wiha endamê PYD′ê ya li Hesekê Ferhan Etiye komkujiya li dijî çalakgerên Kurd ên li Parîsê şermezar kir û got: "Dewleta Tirk a dagirker bi rêya alîgirên xwe yên li cîhanê bi giştî û Fransa bi taybet hewl dide Kurdan îmha bike."

Xwepêşandan bi vegirtina kon çalakiyê ji hêla Meclisa Malbatên Şehîdan ve ku dê 2 rojan dewam bike, bi dawî bû.

(fr)

ANHA