​​​​​​​Komîteya Azadiya Serok li Minbicê panelek li dar xist

Endamên saziyên sivîl û leşkerî û nûnerên partiyên siyasî tev li panela ku li hola navenda Çand û Hunerê ya Minbicê hatiye lidarxistin, bûn.

Hevseroka Akademiya Civaka Demokratîk a Minbic û gundewarên wê Hêvîdar Muslim axivî û diyar kir ku ne tenê dewleta Tirk, lê belê tevahî dewlet bi taybet Amerîka û Îsraîl tev li komploya ku li dijî rêber Abdullah Ocalan pêk hatiye, bûn. Her wiha armanc jê ew e ku projeya neteweya demokratîk ku xizmetî tevahî cîhanê bi taybet Rojhilata Navîn dike, têk bibin û Rojhilata Navîn dagir bikin.

Hêvîdar Muslim destnîşan kir ku rêber Ocalan li ber du rêyan bû yek biçe çiyayên Qendîl a din jî dewletên Ewropayê bû û wiha domand: “Lê rêber Ocalan çûna ber bi deweltên Ewropayê ve pejiran bi armanca ku doza xwe çareser bike, lê ji wê derê hat dîlgirtin.”

Hêvîdar Muslim anî ziman ku rêber Ocalan digot ew qurbanê berjewendiyên dewletên Ewropaytê yên ku dev ji wijdanê xwe berda û berjewendiya xwe da pêş, bû.

 Hêvîda Muslim di dawiya axaftina xwe de got: “Derketin rêber Abdullah Ocalan ji Sûriyê gelek hevsengî li cîhanê bi taybet li herêmên Kurdî guhartin. Her wiiha di encama wê de bi hezaran şênî derketin xwepêşandanê û komploya li dijî rêber şermezar kir.”

(dm)

ANHA