Tevgera Ciwanên Şoreşger çalakiya konvedanê li Tebqayê çalakiya konvedanê li dar xist

Di roja yekemîn a çalakiya konvedanê de şandeyên komîte, nivîsgeh û gerînendeyên Rêveberiyên Sivîl ên Demokratîk ên li Tebqa û gundewê wê hazir bûn.

Hevserokê Tevgera Ciwanên Şoreşger ên Sûriyê li Tebqa Diyaeddîn Mihemed axivî û got: "Ji bo piştgirî û wefedariya rêberê mirovahiyê Abdullah Ocalan û ji bo eşkerekirina sûcên dewleta Tirk a dagirker me ev çalakiya xwe li dar xist."

Diyaeddîn Mihemed anî ziman ku ev çalakî di çarçoveya çalakiyên ciwanên şoreşger û jinên ciwan bi aramnca rizgarkirina fîzîkî ya rêber Abdullah Ocalan û eşkerekirina sûcên dewleta Tirk a dagirker li dijî gelê herêmê û cîhanê pêk tîne, li dar dixe.

Hevserokê Tevgera Ciwanên Şoreşger ên Sûriyê li Tebqa bang li rêxistinên navneteweyî û mirovî kir ku li dijî dagirkeriya Tirk û kiryarên li dijî mirovahiyê û rêber Ocalan pêk tîne, helwestekê nîşan bide.

Mihemed da zanîn ku projeya neteweya demokratîk ji bo aloziya Sûriyê û hemû pirsgirêkên li Rojhilata Navîn, çareseriya herî guncew e.

Hevserokê  Şaredariya Gel a Tebqa Ebdulezîz El Mistefa bi navê Rêveberiya Sivîl a Demokratîk a Herêma Tebqa û gundewarê wê axivî û got: "Em piştgiriya çalakiya ciwanan dikin ku banga azadiya fîzîkî ya rêber Abdullah Ocalan dikin."

El Mistefa anî ziman ku divê hêzên navneteweyî û rêxistinên mafên mirovan zextê li dewleta Tirk a dagirker bike ku tecrîda li ser rêber Abdullah Ocalan rake û serbest berde.

Di dawiya bernameya çalakiyê ya roja yekemîn de têkildarî sehkirina rewşa rêber Abdullah Ocalan û pêkanîna azadiya fîzîkî ya wî îmze hatin komkirin  da ku piştre radestî aliyên peywendîdar û rêxistinên mafên mirovan were kirin.

Çalakiya konvedanê dê sibe berdewam bike û dê şaneyên şênî û endamên rêveberiyên sivîl û leşkerî tev lê bibin.

(eh)

ANHA